Այսօր ԲՀԿ առաջնորդ Գագիկ Ծառուկյանը Գյումրի ոտք դնելուն պես եղել է Յոթվերք եկեղեցում: Ինչպես պատմում են ականատեսները, այդ վայրկյանին պսակադրության արարողություն է ընթացել եկեղեցում, հարսանքավորները մի պահ անակնկալի են եկել, իրար խառնվել` տեսնելով, որ իրենց հարսանիքին միացել ու մասնակցում են Գյումրու քաղաքապետ Սամվել Բալասանյանը ու ԲՀԿ առաջնորդ Գագիկ Ծառուկյանը: Հարսանիքավորները ավելի են շփոթվել, երբ Գագիկ Ծառուկյանը մոտեցել է նորապսակ զույգերին ու նրանց հարսանեկան նվեր արել: Վերջինս հաստափոր ծրարով գումար է փոխանցել նրանց:
Սա ԲՀԿ առաջնորդի միակ անակնկալ չէր Գյումրիում: Նա այսօր չմոռացավ նաև թշվառության մեջ, մգլած տնակներում բնակվող գյումրեցիներին: ԲՀԿ առաջնորդը Գյումրու դրամատիկական թատրոնում 60 միլիոն դրամ փոխանցեց տնակներում ապրող անօթևաններին` Ամանորը նշելու համար: Մոտավոր հաշվարկներով, յուրաքանչյուր ընտանիքի 20 հազար դրամ է հասնում:
ԲՀԿ առաջնորդը իր հետ մեծ քանակությամբ թվանշանային հեռուստացույցեր էր բերել, որոնք փոխանցեց մշակութային օջախներին, սպորտդպրոցներին, մարզիկներին, թատրոնի աշխատակիցներին, չմոռացավ անգամ «Գյումրին 2013 թվականի ԱՊՀ մշակութային մայրաքաղաք» միջոցառումները լուսաբանած լրատվամիջոցներին:
Կարդացեք նաև
Նշենք սակայն, որ Գյումրու ոչ բոլոր լրատվամիջոցներն են համաձայնել ընդունել պարոն Ծառուկյանի նվերը` այն դիտարկելով ԶԼՄ-ի աշխատաոճին ու էթիկայի կանոններին հակասելու տեսանկյունից:
Նունե ԱՐԵՎՇԱՏՅԱՆ
Թե Հայաստանում նամուս ու թասիբ է մնացել՝ դա Գյումրիում է։
Բարեգործություն պետք չէ, օգնեք աշխատատեղեր ստեղծելուն և մի խանգարեք այն զարգացնել և շատացնել, այդ դեպքում հայը չի արտագաղթի, կարարի, կստեղծագործի, կբազմանա, հայի երջանկությունը արարելու և ստեղծելու մեջ է :
Թող բազմաբնակարան շենք կառուցի եւ էնտեղ տասնյակ ընտանիքներ օթեւանեն: