«Հայնյուզի» խմբագիրն այսօր ասուլիսում Տիգրան Սարգսյանին խնդրեց անդրադառնալ այն տեղեկատվությանը օֆշորային սկանդալի վերաբերյալ, թե ԲՀԿ խմբակցության անդամ Վարդան Օսկանյանի բարեկամ մի կին է գրանցել այդ ձեռնարկությունը:
Վարչապետն ի պատասխան դարձյալ ասաց, թե ինքն ամենաշահագրգռված մարդն է, որ այս պատմությունը մինչեւ վերջ բացահայտվի. «Մի բան արդեն պարզ է, որ այդ ձեռնարկության գրանցման հետ ես ոչ մի առնչություն չունեմ»: Եվ ընդհանրապես՝ ըստ նրա, ինչ դարձել է վարչապետ՝ Կիպրոսում չի եղել:
Տիգրան Սարգսյանը հույս հայտնեց, որ հետաքննող լրագրողները կանդրադառնան այդ տեղեկատվությանը. «Այդ կինը, որը Կիպրոսում իմ անունով ձեռնարկություն է գրանցել, հենց այդ նույն կինը Կիպրոսում ձեռնարկություն է գրանցել նաև մահացած մարդկանց անունով: Ինձ համար հետաքրքիր է, թե պարոն Օսկանյանն ի՞նչ բացատրություններ կտա` արդյոք սա նրա համար նույնպե՞ս անսպասելի տեղեկատվություն է, թե՞ իր անձն է կանգնած սրա հետևում, ու այս սկանդալն ունի քաղաքական ենթատեքստ»:
Նկատենք, որ խոսքը մասնավորապես «Հրապարակի» տպագրած հետեւյալ լուրի մասին էր. «Աղմկոտ օֆշորգեյթի պատմության մեջ, ըստ լավատեղյակների, Կիպրոսում կազմակերպություններ գրանցած հայազգի փաստաբան Նաիրի Մերհեջեն Օսկանյանի հեռավոր զարմիկներից է: Ճանաչո՞ւմ եք նման փաստաբանի Կիպրոսում՝ հարցրինք Վ. Օսկանյանին: «Ես այնքա՜ն մարդ եմ ճանաչում, իրեն այս պահին չեմ հիշում, չեմ ճանաչում, կարող է դիմացս գա, տեսնեմ-հիշեմ, թե ով է»,- ասաց նա»:
Կարդացեք նաև
Տեսանյութը՝ HenaranAkumb·ի
Չափազանց տգետ, բայց օֆշորագետ, նաև վարչապետ,
Ստեր, կեղծիքներ, մոգոնող վարպետ,
Թքել, մրելոց՝ երեսը կարպետ,
Խրոխտ հայացքով՝ անամոթ ասպետ։
Հիանալի էր…