Ուկրաինայի «ՈւԴԱՌ» ընդդիմադիր կուսակցության առաջնորդ Վիտալի Կլիչկոն հայտնել է, որ պետք է օգտագործել բոլոր միջոցները Կիևում արյունահեղությունը դադարեցնելու համար: Հաղորդում է ուկրաինական «Ինտերֆաքս»-ը:
«Հետագա զարգացումների համար երկու տարբերակ ունենք: Առաջինը՝ [իշխանության հետ] բանակցությունների չգնալ: Ուժային սցենարը կարող է անկանխատեսելի լինել, ու ես չեմ բացառում քաղաքացիական պատերազմը… Տվյալ պարագայում մենք կօգտագործենք բոլոր հնարավորությունները արյունահեղությունից խուսափելու համար», – ասել է Կլիչկոն «Հրոմադսկե» հեռուստակայանի եթերում՝ հավելելով, որ հասարակության համբերության բաժակն արդեն լցվել է ու անհրաժեշտ է ստեղծված իրավիճակի համար լուծումներ գտնել:
Հունվարի 19-ին Կիևի խաղաղ ցույցը վերածվել է բռնությունների: Ոստիկանության և ցուցարարների միջև բախումներ են սկսվել, վերջիններս ավտոբուսներ և ոստիկանական մեքենաներ են այրել, մոլոտովի կոկտեյլներ նետել իրավապահների ուղղությամբ և հարվածել նրանց մահակներով: Ավելի քան 100 հոգի վիրավորվել է: ըստ ՆԳՆ-ի, բժիշկների տվյալներով, տուժել է 70 ոստիկան:
Նոր բախումների պատճառը ցուցարարների զայրույթն է, քանի որ խոսքի և հավաքների ազատությունը սահմանափակող օրենքներ են ընդունվել:
Կարդացեք նաև
Պատրաստեց Հովհաննես ԻՇԽԱՆՅԱՆԸ
