Կիևի ցույցերի մասնակիցների համաներման մասին օրինագիծը այն տեսքով, ինչպես առաջարկում է իշխանությունն՝ անընդունելի է, ասել է Ուկրաինայի «ՈւԴԱՌ» կուսակցության առաջնորդ Վիտալի Կլիչկոն: Հայտնում է ուկրաինական «Ինտերֆաքս»-ը:
«Մարդիկ դուրս են եկել փողոց, քանի որ ուզում են երկրում փոխել իրավիճակը: Ու ասել՝ մենք կազատենք մարդկանց, եթե նրանք տուն գնան, անընդունելի է: Այդպես չի կարող լինել», – «ՈւԴԱՌ»-ի մամուլի ծառայության փոխանցմամբ ասել է Կլիչկոն այսօր:
Կլիչկոն նշել է, որ ժողովուրդը կհեռանա հրապարակից միայն այն դեպքում, եթե լիովին վստահ լինեն, որ իշխանությունը կլիցքաթափվի և կփոխվի ներկայիս համակարգը:
«Այսօր առանցքային հարցը՝ իշխանությանը ժողովրդի դեմ լինելն է: Միայն մեղադրանքները հանելը և համաներումը բավարար չէ», – ասել է Կլիչկոն՝ ավելացնելով, որ չպետք է թույլ տալ, որ նոր արյունահեղություններ լինեն:
Կարդացեք նաև
Ռադայի արտահերթ նիստում այս պահին քննարկվում է համաներման օրինագիծը: Խորհրդարանի նախագահ Վլադիմիր Ռիբակը հայտնել էր, որ օրինագծի հետ կապված կուսակցությունների միջև որոշ անհամաձայնություններ կան:
Պատրաստեց Հովհաննես ԻՇԽԱՆՅԱՆԸ
