Ուկրաինացի նկարիչ Սերգեյ Ռադկևիչը Կիևի ցույցերի ժամանակ զոհված Սերգեյ Նիգոյանի պատվին նկար է ստեղծել, որն անվանել է «Սերգեյ Նիգոյան. հայկական մոտիվ. խաղաղություն հոգուն»: Հայտնում է «Քոմենթս» լրատվականը՝ հղում անելով «Արտ Յուքրեյն»-ին:
Գործի հիմքում դիմանկարի այնպիսի ուրվագիծ է, որպիսին նախկինում գերեզմանաքարերի վրա փորագրում էին Հայաստանում, իսկ ներքևի հատվածում ռազմական թիրախ է: Նկարը գտնվում է Լվովի թաղամասերից մեկում:
«Այս աշխատանքը դատապարտում է մարդու մարմնին ուղղված միտումնավոր ագրեսիան, ինչպես նաև ընդգծում է զորավարժությունների ժամանակ «մարդ-թիրախներ» օգտագործելու անհեթեթությունը», – ասում է նկարիչը:
21-ամյա Սերգեյ Նիգոյանը մահացել է այս տարվա հունվարի 22-ին հրազենային վնասվածքից: Նա Ուկրաինայի քաղաքացի էր:
Կարդացեք նաև
Պատրաստեց Հովհաննես ԻՇԽԱՆՅԱՆԸ
