ԱԺ-ն օրերս մերժեց Մարտի 1-ի ժամանակավոր հանձնաժողով ստեղծելու ՀԱԿ-ի օրինագիծը: Խորհրդարանական մեծամասնությունը դեմ քվեարկեց՝ պատճառաբանելով, որ ընդդիմությունը շոու կսարքեր, այդ հանձնաժողովը քաղաքական էր լինելու, իսկ Մարտի 1-ի քաղաքական էջը փակված է:
Aravot.am-ն այս առնչությամբ ՀԱԿ-ի նախկին անդամ, վերականգնված ՀՀՇ վարչության անդամ Կարապետ Ռուբինյանից հետաքրքրվեց՝ ի՞նչ խնդիր կլուծեր այդ հանձնաժողովը, եթե ՀՀԿ-ն դեմ չլիներ եւ ինչո՞ւ է ՀՀԿ-ն սկզբում համաձայնում ստեղծել նման հանձնաժողով, հետո հետ է կանգնում, վախենո՞ւմ է սենսացիոն բացահայտումներից:
Կարապետ Ռուբինյանը պատասխանեց. «Մարտի 1-ի հանցագործությունը վաղուց բացահայտված է: Երկրում չկա մի անաչառ քաղաքացի, որը չիմանա խաղաղ ցույցը սպանդի վերածած հանցագործների անունները: Հիմա խոսք կարող է լինել միայն հանցագործներին պատժելու մասին: Քանի դեռ այդ հանցագործներից մեկը շարունակում է բռնազավթած պահել իշխանությունը, իսկ մյուսը, առաջինի հովանավորությամբ, վայելում է երիտասարդ թոշակառուի անամպ կյանքը ու իր գռփած միլիոնները, ոչ մի հանձնաժողով ոչնչով չի օգնի: Իսկ այժմյան ՀՀԿ-ն այդ հանցագործների օրրանն է՝ նմանատիպ մեծ ու փոքր հանցագործների հավաքատեղին»:
Հռիփսիմե ՋԵԲԵՋՅԱՆ
Պարզապես քրեացեղի առաջնորդող քրեահզորներն են:Դեռ:Մինչև պատերազմի բժիշկը մոտենա վամպիրիզմի դռներին:Օրհնվի այդ բժիշկը: