Այսօր Մամուլի ազգային ակումբում, Հայաստանի իշխանությունների պաշտոնական հայտարարության բացակայությունը` Ուկրաինայի նոր իշխանությունների վերաբերյալ, ՀՀ-ում Ուկրաինայի արտակարգ եւ լիազոր դեսպան Իվան Կուխտան չկարողացավ մեկնաբանել:
Խուսափելով որեւէ գնահատական տալուց, միայն ասաց, որ տեղյակ է ՀՀ նախագահ Սերժ Սարգսյանի՝ համապատասխան հայտարարության մասին, որն արվել է Դուբլինում, եւ ըստ որի՝ Հայաստանը խաղաղ կարգավորման կողմնակիցն է: Բացի այդ՝ Իվան Կուխտան նշեց, որ նման տեսակետ է հայտնել նաեւ ՀՀ ԱԳ նախարար Էդվարդ Նալբանդյանը. «Չգիտեմ, թե ինչպիսին է ՀՀ պաշտոնական դիրքորոշումն Ուկրաինայի նոր իշխանությունների նկատմամբ: Հայ-ուկրաինական հարաբերությունները Ուկրաինայում տեղի ունեցող իրադարձություններից հետո չեն փոխվելու: Մեր հարաբերությունները լավ են, տնտեսական հարաբերությունները զարգանում են, առեւտրաշրջանառությունն ավելանում է»,- հայտարարեց դեսպանը, ավելացնելով, որ Ուկրաինայի նոր նախագահի ընտրվելու հետ մեկտեղ էլ ավելի կզարգանա հայ-ուկրաինական հարաբերությունները:
Եվա ՀԱԿՈԲՅԱՆ
Ասուլիսի մանրամասներն ու տեսանյութերը՝ շուտով
