ՀՀԿ Եղեգնաձորի շրջանային կազմակերպության երիտասարդական կառույցը մարտի 22-ին կազմակերպել էր «Մաքուր պահենք մեր հուշարձանները» խորագրով միջոցառում: Մասնակցում էին հինգ տասնյակից ավելի երիտասարդներ, ինչպես նաև՝ «Գլաձորի համալսարան» պատմամշակութային արգելոց-թանգարանի աշխատակիցը, ով մանրամասն ներկայացրեց արգելոց-թանգարանի տարածքում գտնվող պատմամշակութային հուշարձանների պատմությունը:
Մաքրվեցին Թանահատ և Սբ. Խաչ վանական համալիրների տարածքները, այնուհետև տնկվեց 80 նշենի և ծիրանենի: Երիտասարդները հետագայում ջրելու և խնամելու են իրենց տնկած ծառերը։
Բնության պահպանությանն առնչվող հարցերն անհնար է իրականացնել առանց հասարակության, հատկապես երիտասարդների ակտիվ մասնակցության և աջակցության: Երիտասարդ ՀՀԿ-ականների կարծիքով՝ նման միջոցառումները չափազանց կարևոր են և նպատակ ունեն համատեղ ուժերով լուծելու մեր երկրի բնապահպանական հիմնախնդիրները: Այսպիսի ակցիաները կրելու շարունակական բնույթ և իրականացվելու են բոլոր մարզերում:
Կարդացեք նաև
ՀՀԿ երիտասարդական կազմակերպություն
