Այսօր Նոր քաղաքական մշակույթ կուսակցության նախագահ Անի Զախարյանի հետ նախատեսված ասուլիսը տեղի չունեցավ, լրատվամիջոցներից չէին եկել: Բայց կուսակցության առաջնորդը մի քանի հարցերի շուրջ զրուցեց մամուլի ասուլիսը վարողի հետ:
Նա սկսեց իր քննադատությունը «Ժառանգություն» կուսակցության առաջնորդ Րաֆֆի Հովհաննիսյանից. «Նորից սկսել է ակտիվանալ: Րաֆֆի Հովհաննիսյանը նախագահական ընտրությունների հենց սկզբից իր ամբողջ աշխատանքը արտահայտել է Ազատության հրապարակում խոսելուց, բացի հայրենասիրական կոչերից: Ինձ համար ամենամեծ հայրենասիրությունը ճիշտ քաղաքական քայլերն են, ամենամեծ հայրենասիրությունն է, երբ մի բան ասում ես, հետո այդ ասածը կատարում ես: Րաֆֆի Հովհաննիսյանն առաջինը լեգիտիմացրեց Սերժ Սարգսյանին, ձեռքսեղմումով դիմավորեց նրան»:
Տիկին Զախարյանը Րաֆֆի Հովհաննիսյանի դերակատարությունը հստակ չի տեսնում. «Հա, շատ լավ բարի անձնավորություններ շատ կան: Գնահատում ենք որպես բարի մարդ, բայց դա մեր պետությանը որեւէ առաջընթաց տալի՞ս է»:
Կուսակցության առաջնորդն անդրադարձավ նաեւ նախօրեին ԱԺ-ում տեղի ունեցած լեզվակռվին, Արմեն Աշոտյանի` պատգամավորներին «hello kitty»-ին նմանեցնելու եւ Նիկոլ Փաշինյանի՝ Աշոտյանին «պարկետին իջեցնելու» հայտարարություններին. «Երբ Նիկոլ Փաշինյանը նմանատիպ արտահայտություններ էր անում, այդ ելույթը նայեցի, կներեք, բայց արդեն տպավորություն է ստեղծվում, որ ինչ-որ մի կին դուրս է եկել ու կանացի խոսակցություններ է տանում: Դա հարի՞ր է տղամարդուն»:
Կարդացեք նաև
Արփինե ՍԻՄՈՆՅԱՆ
Էս Անին բացի կին-տղամարդ թեմայից այլ բան չգիտի??????????????
Հայ տղամարդուց Անիի ավերակված կանայք են սերվել, հայ Անիիներից հիշյալ տղամարդիկ: Ձևի և բովանդակության ներդաշնակ խոտան:Գործարանը բաց է, առաքումն` անվճար: