Ուկրաինայի ամենահարուստ մարդը՝ Ռինատ Ախմետովը Դոնեցկում հանդիպել է ռուսամետ ցուցարարների հետ և առաջարկել Ուկրաինայի իրավապահ մարմինների հետ բանակցելու համար խումբ ստեղծել, որպեսզի կանխեն ռազմական գործողությունները: Փոխանցում է «Պոդրոբնոստի» լրատվականը:
«Ես կխնդրեմ, որպեսզի ոչ մի գրոհ չլինի… Դոնբասը՝ Ուկրաինա է», – ասել է Ախմետովը երեքշաբթի գիշերը Դոնեցկի մարզպետարանի մոտ:
Հանդիպման ժամանակ ցուցարարները հայտնել են, որ իրավապահ մարմինները նրանցից պահանջում են հանձնել զենքերը, սակայն իրենք չեն պատրաստվում անել դա, ինչին Ախմետովը պատասխանել է, որ անհրաժեշտ է բանակցություններ վարել ներքին գործերի նախարարության հետ: Այնուհետև ցուցարարներից խումբ է կազմվել, որոնք Դոնեցկի գործարարի հետ մեկնել են ոստիկանություն բանակցությունների:
Կարդացեք նաև
Պատրաստեց Հովհաննես ԻՇԽԱՆՅԱՆԸ
