Ընդամենը մի քանի օրից՝ մայիսի 29-ին, Աստանայում ստորագրվելու է Եվրասիական տնտեսական միության ստեղծման մասին պայմանագիրը։ Սակայն մինչ օրս հայտնի չէ՝ արդյոք Հայաստանը ստորագրելու է այդ փաստաթուղթը։
Երեկ ՄՄ անդամ երկրների եւ ՀՀ միջեւ կազմակերպված տեսակամրջի ժամանակ Եվրասիական տնտեսական հանձնաժողովի Զարգացման եւ ինտեգրացիայի դեպարտամենտի Միջազգային գործակցության բաժնի պետ Անտոն Ազարովը հայտարարել է. «Առայժմ խնդիր է դրված մինչեւ հունիսի 1-ը նախապատրաստել Եվրասիական տնտեսական միությանը Հայաստանի անդամակցության մասին պայմանագրի նախագիծը։ Չեմ ասի, թե երբ կունենա այդ փաստաթղթի ստորագրումը, քանի որ այն կողմերի միջեւ բանակցությունների առարկա է»։
Փաստորեն՝ միության ստեղծումից ընդամենը 15 օր առաջ էլ պարզ չէ՝ արդյոք մեզ այնտեղ սպասում են, թե ոչ։ Մինչդեռ հիշեցնենք, որ սեպտեմբերի 3-ից հետո՝ ընդհուպ մինչեւ տարեվերջ, բոլոր մակարդակներով խոսվում էր այն մասին, որ Հայաստանը լինելու է Եվրասիական տնտեսական միության հիմնադիր եւ լիիրավ անդամ։
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
Կարդացեք նաև
