«Որքանո՞վ է իրենց հաճելի լինել ճիճուի կարգավիճակում»,-այսօր «Հայելի» ակումբում անդրադառնալով ԱԺ Պատվավոր կոչումների մասին օրենքի ընդունմանը, այսպիսի կարծիք հայտնեց դերասան Սերգեյ Դանիելյանը: Նա նշեց, որ ԱԺ-ից որևէ համարժեք որոշում չի կարելի սպասել, հիմա հասել են արվեստագետներին:
Ըստ նրա՝ այն, ինչ տեղի է ունենում ՌԴ-ում, կապկում ենք, վերցնում ամենավատը, մինչդեռ կարելի է ՌԴ-ից լավ բաներ սովորել: Համեմատության համար Սերգեյ Դանիելյանը նշեց. «Պատկերացնում եք Ֆելինին լիներ Իտալիայի ժողովրդական արտիստ, ծիծաղելի է: Միմիայն ճիճու լինելն է մեզ ստիպում նման բան անել»:
Ըստ նրա՝ արվեստագետներին կոչումներով լռեցնում են. «Թողեք ամբողջ օրը հայհոյեն վարչապետից մինչև հավաքարար, վաստակավոր կոչում տալուց, խեղճացնում ես, դարձնում պուճուր և գնում վերցնում, ձեռք սեղմում: Ով որ նրանց բռից հաց կերավ, վերջ, այդ քայլերով արվեստագետի բերանը փակում են»:
Ըստ Սերգեյ Դանիելյանի՝ ընդդիմադիր արվեստագետներին կոչում տալը նրանց «փչացնելու» ձև է: Նա նաև նշեց, որ վաստակավորների մեջ կան մարդիկ, ովքեր ընդհանրապես իրենց մասնագիտության հետ կապ չունեն, ռուսներից կապիկի նման ընդօրինակում են: «Այստեղ Մաշտոցից մինչև Արտավազդի վիզ, ամեն ինչ տալիս են իրար, տեսնես Արտավազդի ո՞ր մասը տվեցին Ալլա Պուգաչովային, ով է տալիս, տեղի թայֆան իրար բաժանելով, դա՞ է խթանում ձեր արվեստը, որ Արտավազդի գլուխը տանես տուն»:
Կարդացեք նաև
ՀՀ ժողովրդական արտիստ Նիկոլայ Ծատուրյանը կողմ է կոչումներ շնորհելուն: Նա նշեց. «Դրա մեջ դրական բան կա, որ քո արվեստը գնահատվի: Բայց որ կոչումը ինչ-որ որակում է տալիս, պետք է: Բայց եթե ինձ ասեն, որ կոչումդ վերցնում ենք, ու դրա դիմաց տալիս ենք կոնկրետ գումար հինգ ներկայացման համար, ես կասեմ՝ այո»:
Իսկ Սերգեյ Դանիելյանի համար այն պահը, երբ նախագահականից իրեն զանգեն ու ասեն, որ կոչում են տալիս, դա իր ինքնասպանության պատճառը կդառնա: Դիագնոզ է ինձ համար, միանգամից ինքնասպան կլինեմ:
Տաթև ՀԱՐՈՒԹՅՈՒՆՅԱՆ
Սերգեյ, զգույշ եղիր:Քեզ չուզողները կարող է ղեկավարվեն ,,ловлю на слове,, սկզբունքով ու քեզ ներկայացնեն որևէ պարգևի:Ռուսները դա ,, подстава,, են անվանում: