Նոր մարզպետը չի ցանկացել, որ Չիբուխչյանն իր խորհրդականը լինի
Քիչ առաջ մեզ զանգահարեց իջեւանցի բանաստեղծ, Տավուշի մարզպետի խորհրդական Լյուբիկ Չիբուխչյանը, որն ասաց, թե այսօր Տավուշի մարզպետ Հովիկ Աբովյանն իրեն հրավիրել է եւ ասել, որ ինքը խորհրդականի կարիք չունի:
Լյուբիկ Չիբուխչյանի խոսքերով՝ ինքը մայիսի 25-ին նամակ է ուղարկել ՀՀ նախագահ Սերժ Սարգսյանին, ուր հայտնել է, որ Իջեւան քաղաքում, զինվորականների շենքում 9 տարի իր զբաղեցրած բնակարանը այդպես էլ չեն սեփականաշնորհել, այն մնացել որպես ծառայողական, լրացել է իր 64 տարին, ինքը 30 հազար դրամ կենսաթոշակ- «աղքատավարձով» չի կարող գոյատեւել, նոր մարզպետ Հովիկ Աբովյանն էլ կարծես ցանկություն չունի իր հետ աշխատելու: Այդ նամակը նախագահի աշխատակազմից էլեկտրոնային փոստով ուղարկվել է Հովիկ Աբովյանին, որը դրանից հետո Լյուբիկ Չիբուխչյանին իր մոտ հրավիրելով՝ հայտնել է, որ չի ցանկանում խորհրդական ունենալ:
Լ. Չիբուխչյանն ասաց, որ իր բնակարանի հարցով 12 նամակ է գրել նախագահ Սերժ Սարգսյանին, սակայն՝ անպատասխան:
Լյուբիկի վկայությամբ՝ ադրբեջանցի երգչուհի Էլնարա Աբդուլաեւային նվիրված իր «Էլնարա» գիրքը հրատարակելուց հետո, 2013թ. դեկտեմբերի 13-ին բեռնված «Գազելը» Իջեւանում վթարի է ենթարկել իրեն եւ իր կնոջը, ինքը այդ գրքի համար բազմաթիվ սպառնալիքներ է ստացել:
Կարդացեք նաև
Չիբուխչյանը հայտնեց, որ ինքը 175 գրքի հեղինակ է, երկու երկրների «Տարվա մարդ» է ճանաչվել, արժանացել 10 ոսկե մեդալի, ունի ակադեմիկոսի կոչում, ինքն է գրել ՀՀԿ-ի ծրագիրն ու կանոնադրությունը, սակայն այժմ մնացել է 30 հազար դրամ կենսաթոշակի հույսին:
Նա հայտարարեց, որ դիմելու է Ադրբեջանի նախագահ Իլհամ Ալիեւին, որպեսզի վերջինս իրեն՝ ընտանյոք հանդերձ, քաղաքական ապաստան տրամադրի:
Ոսկան ՍԱՐԳՍՅԱՆ
Անակխ ամեն ինչից դու հայ ես և ոչ թե դավաճան..իսկ հիմա միայն մի բառի ես արժանի ԱԶԳԻ ԴԱՎԱՃԱՆ
175 գիրքդ էլ չմոռանաս հետդ տանել:
Բա ապրեք ձեր իսկ ասած աղքատավարձով, որ հասկանաք ինչ է նշանակում ժողովուրդ լինել: Ես Լյուբիկի հանդեպ բան չեմ ասի, քանի որ մեր բոլոր իշխանավորների համար էլ հայրենիքը սկսվում է փողից:
Ավելի խելամիտ կլինի նրա բանակարանի հարցը լուծել և ոչևէ կերպ բարձրացնել կենսաթոշակը, ինչպես նաև սթափության կոչ հղել. իսկ այնտեղ Դուք պատկերացնում եք Ձեր կարգավիճակը և հոգեվիճակը. ոչ մեկի գլուխն էլ շոյելու չէ, իհարկե, նկատի ունեմ մեր իշխանություններին, բայց դուք ինքներդ կտառապեք դավաճան դառնալու գիտակցությունից, ժողովուրդը և պատմությունը Ձեզ չեն ների երբեք, եթե նույնիսկ ատեն այսօրվա իշխանություններին
Իսկ ինչ մնում է ձոնին, իրականության զգացումը կորցնելը միշտ էլ ցավալի հետևանքներ է ունենում………….. Հարգելի պարոն Չիբուխյան, այս երգչուհին Ձեր միրաժն է, իսկ Հայաստանը???
Երբ կինը սրտով սիրում է մեկին,
Թողնում է տունը, դավում հայրենին (Շախնամե)
Իսկ տղամարդը?????????
Տավուշի մարզպետ Հ.Աբովյանի որոշումը միանշանակ տեղին է, ժամանակին և սպասելի: Ինչ վերաբերվում է Իլհամ Ալիևին դիմելու Լ.Չիբուխչյանի մտադրությանը, ապա դա նույնպես սպասելի էր՝ ում շահերից ելնելով տարիներ շարունակ հանդես է եկել, նրան էլ հարկավոր է դիմել: Հույս ունենանք, որ քաղաքական ապաստան ստանալուց հետո Լ.Չիբուխչյանը համապատասխան հարթակ կնախապատրաստի Արմեն Ղուլարյանի համար, չէ որ հենց նրա շնորհիվ է այդ թշնամահպատակը տարիներ շարունակ գործել: Ցանկություն չունեմ որևէ խորհուրդ տալու, բայց նորանշանակ մարզպետը պետք է հստակ պատկերացնի, որ մարզպետարանում դեռևս լյուբիկները շատ-շատ կան…
Շատ խելացի է վարվել Տավուշի նորանշանակ մարզպետը:Այ հիմա Էլնարա գովերգող ,,հանճարը,,կիմանա ինչ է նշանակում առանց աշխատանքի մնալ,թող նրա հովանավոր ակադեմիկոս Ղուլարյանը մտածի նրա մասին:
https://www.youtube.com/watch?v=oAlWTwcJrpo
Տավուշի նոր մարզպետը եթե Տավուշի մարզպետարանն ու նրա ենթակայության հիմնարկներն ազատի նախկին տխրահռչակ ղեկավարի անտաղանդ ու ,,կլյաուզնիկ,, կադրերից ամեն ինչ շատ լավ կլինի: Հավանաբար շատ ճիշտ կլինի,եթե նա իր աշխատանքներն իրականացնի այնպես,ինչպես ինքն է գտնում ճիշտ և ոչ թե այնպես,ինչպես նրան կթելադրեն ակադեմիկոս Ղուլի կողմնակիցները:Տավուշն առանց լյուբիկների ու լյուբիկանմանների կարգախոսը շատ հրաշալի կլինի:
Գնացեք, գնացեք, ձերոնք չեն գալու, գնացեք:Թշնամուս թշնամին պիտի ընդունի *իմ թշնամիների ոհմակին,այո*, հանճարաբութեր:Ցանածն են հնձում:Ձերոնք չե*ն գալու, ուրեմն`գնացեք, հերթով….Հողը տիրոջն է պատկանում, քոչվորները պիտի գնան և արագ:
Ներկա մարզպետը երևի բոլոր տխմարներից ու դատարկություններից կազատվի, հաստատակամ է երևում, տեսնենք:
Այս ակադեմիկը այդպես էլ դիպլոմ չունեցավ :Ափսոս, գուցե նոր հայրենիքում պետք գար:
Դո՞ւ ես գրել ՀՀԿ-ի ծրագիրն ու կանոնադրությունը, ինքդ էլ վայելիր:Համոզվեցի հանճարեղությանդ մեջ՝ ազերիներից ապաստան խնդրել:Միայն քո նման ,,հանճարները,, կարող են նման քայլի դիմել: Իսկ նոր մարզպետի աշխատանքային առաջին քայլը ողջունելի է, ապրե՛ք, այլևս անկասկած են ձեր հետագա հաջողությունները:
Նոր մարզպետի առաջին վճռական քայլը ի չիք է դարձնում Տավուշում տարածված այն լուրերը,որ ,,հինն ու նորը նույնն են,ոչնչով իրարից չեն տարբերվում,,:Մնում է այսպիսի վճռականությամբ պարոն Աբովյանը շարունակի աշխատել ու ազատվի բոլոր կիսագրագետ ու անգրագետ կադրերից,հրաշք Տավուշը ոտքի կկանգնի:Իսկ կործանման եզրին կանգնած մեր երկրին հզոր սահմանապահ մարզ է պետք:
էդ մարդուն նախկին մարզպետն երես տվեց էնքան, որ նոր իրավիճակում իր տեղն Ադրբեջանում է տեսնում իլհամի ու Էլնարայի Փոխանակ պատժեն փողնախարար կարգեցին
Դատելով Լյուբիկի բեղմնավոր գրչից, նրա տեղը Ազգային Պանթեոնն է և ոչ թե
Տավուշի մեղսավոր մարզպետարանը:Մարզպետի որոշումը ճիշտ է,անհրա –
ժեշտ է ազատել մարզպետարանը բալաստից:
Ասում են` որոշ չինովնիկներ ճանապարհ չեն գտնում նոր մարզպետի հետ մտերմանալու :Ապրի պարոն մարզպետը:Ասում են`ստորներին չի հովանավորելու:
Յուրաքանչյուր մարդ ինքն է ընտրում իր ճանապարհը…ՈՒրեմն քո ընտրությունը քո արժանի ճանապարհն է, և եթե արդեն ընտրել էս, ոնց ասեմ,որ դա քո խաչն է `կրիր ??????
Եվ հերիք է մեկնաբանություններս ջնջեք,հարգելիներս,առանց այդ էլ տաս տարուց ավել է բերանս փակում են,որ չասեմ ,,թագավորը մերկ է,,:
Հարգելի Նոնա, Ձեր մեկնաբանությունը վիրավորանք է պարունակում, այդ պատճառով հեռացվել է:
Շատ բարի,հարգելի Հռիփսիմե,բայց ձեր կարծիքով ինչպես պետք է վերաբերվենք այս մարդ արարածին,որը ինքնագովասանքից բացի ուրիշ ոչինչ չունի արած իր կյանքում,հիմա էլ խելքին փչել է իր ազգն ուրանալ: