Գյումրու քաղաքապետ Սամվել Բալասանյանից Վարդանանց հրապարակում պարելու մերժում ստացած թուրք երիտասարդները այսօր քոչարի են պարել Վահրամաբերդ գյուղում:
Ինչպես Aravot.am-ին պատմեց «Գյումրու երիտասարդական նախաձեռնությունների կենտրոն» հ/կ նախագահ Արթուր Նաջարյանը ողջ գյուղը եկել և մասնակցել է «Ապրենք և պարենք միասին» մշակութային միջոցառմանը: «Թուրք երիտասարդները ուզում էին պարել որևէ գյուղական համայնքում, մենք հարցրեցինք`ո՞ր գյուղն են նախընտրում, իրենք իմացան Վահրամաբերդի մասին, որը Ախուրյանին շատ մոտ է և շատ հետաքրքրվեցին: Մենք էլ զանգահարեցինք, հարցրեցինք, հնարավո՞ր է նման միջոցառում կազմակերպել, գյուղապետարանից պատասխանեցին` խնդիր չկա: Գյուղի բնակիչները եկել էին, ամբողջ ընթացքում մասնակցեցին, զարմացած էին, մարդիկ կային առաջին անգամ էին թուրքերի տեսնում, շատերը ոգևորված էին, թե ինչպես էին թուրքերը հայկական քոչարի պահում ու խոսում Հայոց ցեղասպանությունից: Պապիկներ կային, որ թուրքերի հետ թուրքերեն էին խոսում, հարցեր էին տալիս: Այ, մեր նպատակը հենց դա էր. այն պապիկը, որը հսկայական բազա ունի, հաղորդի թուրք երիտասարդին, որպեսզի նա Հայոց ցեղասպանության մասին տեղեկացված գնա Հայաստանից», – ասաց Արթուր Նաջարյանը:
Արթուր նաջարյանի հետ հարցազրույցը`քիչ անց:
Կարդացեք նաև
Նունե ԱՐԵՎՇԱՏՅԱՆ
ի՞նչ գրես….
կամ գրես, որ ի՞նչ. միևնույն է կարմիր կովը կաշին չի փոխի