Հունիսի 15-ին, ժամը 01.30-ին, ոստիկանության Արաբկիրի բաժնում հաղորդում էր ստացվել, որ 1965 թ. ծնված Աշոտ Ս.-ն նույն օրը, ժամը 00.50-ին, Երևանի Սեբաստիայի և Լենինգրադյան փողոցների խաչմերուկից նստել է անհայտ մակնիշի տաքսի ավտոմեքենա, գնացել Քանաքեռ ՀԷԿ թիվ 17 շենքի մոտ, իսկ երբ իջել և մի քանի րոպեով մտել է շենք` տաքսու վարորդը հեռացել է` գողանալով մեքենայում մնացած իր ճամպրուկը, որի մեջ եղել է իր անձնագիրը, վարորդական իրավունքի վկայականը, հագուստներ, տան բանալիներ և 150 դոլար:
Ձեռնարկված օպերատիվ-հետախուզական միջոցառումների շնորհիվ պարզվել է, որ տաքսու վարորդը 1963 թ. ծնված Հովհաննես Գ.-ն է, որը բացատրական աշխատանքների շնորհիվ` իր վարած «Օպել Աստրա» մակնիշի ավտոմեքենայով, ներկայացել է բաժին:
Ճամպրուկն առգրավված է:
Կատարվում է հետաքննություն:
ՀՀ ոստիկանություն
Կարդացեք նաև
