Արդեն առավոտից Գորիսից տեղեկություններ ստացանք, որ քաղաքում ինչ-որ մարդիկ մտմտում են ճանապարհները փակելու եւ բողոքի գործողություններ սկսելու մասին, եթե Լիսկային վերադարձնեն նախկին պաշտոնին։ Անցյալ տարվա հունիսի 2-ին Սուրիկ Խաչատրյանի տան մոտ սպանված Ավետիք Բուդաղյանի եւ վիրավորված Արտակ Բուդաղյանի հայրը՝ Էմիլ Բուդաղյանը, անդրադառնալով Լիսկայի վերադարձի մասին լուրերին, ասաց. «Դե, էս երկրից ամեն ինչ սպասելի է»։
– Պարոն Բուդաղյան, Սյունիքի ժողովուրդը թո՞ւյլ է տալու, որ Սուրիկ Խաչատրյանը կրկին նշանակվի մարզպետ։
– Սյունիքի ժողովո՞ւրդ է մնացել։ Խելոքները փախել են, աղքատները մնացել են։
– Մինչեւ հիմա որեւէ խոսակցություն, ակնարկ եղե՞լ է, որ կարող է Վահեին հանեն, Լիսկային հետ բերեն։
Կարդացեք նաև
– Ոչ լսել եմ, ոչ էլ հետաքրքրվում եմ այդ հարցերով։
– Իսկ ձեր անձնական կարծիքն ինչպիսի՞ն է Լիսկային նշանակելու մասին, դա թույլատրելի՞ է, թե՝ ոչ։
– Ո՞նց կարելի է ասել, որ դա թույլատրելի է: Եթե դա թույլատրելի չէ աշխարհում, այս պետության մեջ ամեն ինչ էլ թույլատրելի է։
– Չե՞ք կարծում, որ եթե այս տարվա հունիսի 8-ին տեղի ունեցած Գորիսի քաղաքագետի ընտրություններում ձեր մյուս որդին՝ Արա Բուդաղյանը թեկնածությունը չհաներ, նրա ընկերը՝ Տիգրան Կարապետյանը չհաներ, թույլ չտային, որ Լիսկայի թեկնածուն դառնար Գորիսի քաղաքապետ, այսօր սրան
չէր հասնի։
– Պարզ չի՞, որ չէր հասնի։
– Իսկ ինչո՞ւ այդպես արեցին։
– Դա ինձանի՞ց ես հարցնում։ Հովիկ Աբրահամյանից հարցրու։
Լուսինե ԲԱՐՍԵՂՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
