Սեպտեմբերի 18-ի ժամը 10.30-ի սահմաններում Դիլիջանի տարածաշրջանի Հաղարծին գյուղի բնակիչները ի նշան բողոքի փակել են գյուղի տարածքով ձգվող միջպետական ավտոճանապարհը: Ժամը 11.50-ի դրությամբ ճանապարհը շարունակում է փակ մնալ:
Հաղարծինի գյուղապետ Սարգիս Պողոսյանից տեղեկացանք, որ բողոքի գործողության պատճառն այն է, որ հաղարծինցիները չեն կարողանում իրենց ընտանիքների համար ձմռան վառելափայտ հայթայթել. արդեն մի ամիս է, ինչ ոստիկանության կողմից փակվել են անտառներ տանող ճանապարհները:
Հաղարծինում են գտնվում Դիլիջանի ոստիկանապետն ու Ազգային անվտանգության ծառայության Դիլիջանի տարածքային բաժնի պետը:
Տավուշի մարզի դատախազ Տիգրան Սարգսյանը մեկնել է Հաղարծին:
Հաղարծինի բնակիչներ կան, որոնք փայտի հետ կապված բիզնես են անում: Նրանք բիզնեսը շարունակելու, իսկ գյուղացիները ձմռան վառելափայտի խնդիր ունեն:
Կարդացեք նաև
Մեզ հայտնի դարձավ, որ Տավուշի մարզպետ Հովիկ Աբովյանը զբաղվում է Հաղարծնի բնակիչներին վառելափայտով ապահովելու խնդրով:
Ոսկան ՍԱՐԳՍՅԱՆ
