Հայաստանի պաշտպանության նախարար Սեյրան Օհանյանի և նրա ռուս գործընկերոջ` Սերգեյ Շոյգուի միջև Երկրորդ համաշխարհային պատերազմի 70-ամյակի առթիվ Երևանում ռուսական զորքի շքերթ անցկացնելու մասին համաձայնություն է ձեռք բերվել, հայտնում է «Ռոսբալտ»-ը:
«Հայաստանի և Ռուսաստանի պաշտպանության նախարարները համաձայնել են Մեծ Հայրենական պատերազմին նվիրված համատեղ շքերթ անցկացնել Երևանում` 102-րդ ռազմակայանի անձնակազմի և ռազմական տեխնիկայի մասնակցությամբ », – ասված է ՌԴ ՊՆ տարածած մամուլի հաղորդագրությունում, որտեղ նաև նշված է, որ նախարարները համաձայնեցրել են 2015թ.երկու երկրների միջև համագործակցության ծրագիրը: Բանակցությունների ընթացքում քննարկվել են միջազգային անվտանգության հետ կապված արդիական հարցեր, երկրների միջև ռազմական և ռազմատեխնիկական առաջնային խնդիրները, երկու զինված ուժերի միջև ինտեգրացիոն գործընթացների զարգացման հեռանկարները:
«Ամփոփվել են համատեղ իրականացրած օպերատիվ և մարտական միջոցառումների արդյունքները, այդ թվում` ՀԱՊԿ շրջանակներում տեղի ունեցածները, մասնավորապես Ղրղըզստանում անցկացրած ՀԱՊԿ խաղաղապահ ուժերի «Անխորտակելի եղբայրություն – 2014» և Ղազախստանում արագ արձագանքման հավաքական ուժերի «Փոխգործակցություն – 2014» զորավարժությունները», – նշված է հաղորդագրությունում:
Նախարարները նաև անդրադարձել են ռուսական զորքերում հայ զինվորականների վերապատրաստման հարցին: Ռուսական զորամասերում անվճար կարգով ուսուցում են ստանում 244 հայ զինվորականներ:
Թե երբ են հանդիպել Սեյրան Օհանյանը և Սերգեյ Շոյգուն, նշված չէ: Օհանյանը նոյեմբերի 10-ին պաշտոնական այցով մեկնել է Բրյուսել:
Կարդացեք նաև
Պատրաստեց Հովհաննես ԻՇԽԱՆՅԱՆԸ
Հերթական խայտառակությունը: Հայաստանի Հանրապետության հրապարակով օտար պետության զորք չպետք է երևա:
Էսօր ռուսականը որ չանցնի, վաղը թուրքականն ա անցնելու: Որն ես ուզում?????((((((((((
Առաջարկում եմ Հայաստանի հանրապետություն ձեւակերպումը վերանվանել` Հայաստանի ռուսական հանրապետություն……………….
Երբ որ Հայկականն է անցնում Մոսկվայի Կարմիր հրապարակով, մենք հպարտանում ենք: Էդ ինչու տենց ջղաձգվեցիք??????? Եւ ինչու եք հայտնվում եթերում միայն էն պահին, երբ խոսքը «ռուսական» թեմային է վերաբերում???? Ում պատվերն եք կատարում??????
Երբ թշնամու զորքը անցնում է քո մայրաքաղաքով դա նշանակում է պետականության կորուստ: Մեկա մենք են հախթելու: Անցնի թե չանցնի: Ուշ թե շուտ կվռնդենք դրանց Հայաստանից:
Լավ, սրանք հեչ թասիբ չունեն?
Հարգարժան քննադատներ, ի վերջո որն է Ձեր առաջարկը?: Հասկանալի է, որ Ռուսաստանի դեմ վճարովի պատվեր եք ստացել, սակայն պետք չէ առանց հասկանալու բանակի և սահմանների պաշտպանության հարցերի մեջ խառնվել:
Աշոթ ամոթ ամոթ սա էլ յեր սիրած Օհանյանը ազգադավության այլ ձեւ չկա
Երևվի շատ երկար բանակցությունների արդյունքում Է հաջողվել հասնել այդպիսի պայմանավորվածության մեր պաշտպանության նախարարին. Ինչպիսի փայլուն հաղթանակ.
Ինքնախաբեությունը շարունակվում Է: