Քիչ առաջ ՀՀ Սահմանադրական դատարանում (ՍԴ) ՍԴ նախագահ Գագիկ Հարությունյանը հրապարակայնորեն հայտնեց ՍԴ-ի որոշումը՝ ԵՏՄ մասին 2014-ի մայիսի 29-ի Մինսկում ստորագրված պայմանագրին՝ ՀՀ-ի միանալու մասին փաստաթղթում ամրագրված պարտավորությունների՝ ՀՀ Սահմանադրությանը համապատասխանության հարցով:
Գագիկ Հարությունյանը հայտարարեց, թե ՍԴ-ն գտնում է, որ սահմանադրականության առումով խնդիրներ չեն հարուցում ԵՏՄ պայմանագրում անդամ-երկրների մասնակցային իրավունքները, ինքնիշխանության հարցերը:
ՍԴ-ն սահմանադրականության տեսանկյունից խնդիրներ չի տեսնում նաև պայմանագրի նպատակներում, իրավահավասար տնտեսական հարաբերությունների կառուցման հարցում:
Գագիկ Հարությունյանի՝ ՍԴ որոշման տեքստը կարդալու ընթացքում ՍԴ անդամ Ֆելիքս Թոխյանն իրեն վատ էր զգում, նա թեքվել էր սեղանին, օդը չէր հերիքում:
Կարդացեք նաև
Գագիկ Հարությունյանը հայտարարեց ՍԴ որոշումը, այն է ԵՏՄ մասին 2014-ի մայիսի 29-ի Մինսկում ստորագրված պայմանագրին՝ ՀՀ-ի միանալու մասին փաստաթղթում ամրագրված պարտավորությունները համապատասխանում են Սահմանադրությանը:
Հիշեցնենք, որ ՍԴ-ն հարցը քննել է գրավոր ընթացակարգով:
Ինչպես արդեն տեղեկացրել ենք, մինչ ՍԴ-ն խորհրդակցական սենյակում որոշում էր կայացնում, ՍԴ բակում բախումներ էին տեղի ունենում ոստիկանության և քաղաքացիների միջև:
Որոշման հրապարակումից հետո դահլիճում գտնվող Ստեփան Սաֆարյանը հայտարարեց. «Ամոթ, ամոթ, да здравствует Советский Союз»:
Տաթև ՀԱՐՈՒԹՅՈՒՆՅԱՆ
8-9-10-11 հունիս 2014 թ.
https://www.nt.am/am/news/195553/#sthash.NJy1d0Pp.dpuf
Ազատ Հայքի հայտարարությունը ՀՀ տարածքային ամբողջականության վերաբերյալ
https://www.facebook.com/AzatHayk/posts/659468510775211
Ասողը կա, լսող չկա 10-06-2014 թ https://www.nt.am/am/news/195553/