Ինչո՞վ է պայմանավորված կաթնամթերքի գների բարձրացումը, «Չորրորդ Իշխանությունը» պարզաբանում խնդրեց «Աշտարակ կաթ» ընկերությունից։
Ընկերությունից մեր գրավոր հարցմանն ի պատասխան ասացին, որ թանկացումը պարտադրված քայլ էր, քանի որ թանկացել են մթերվող կաթը, կարագը, փաթեթավորող նյութերը, էլեկտրաէներգիան, գազը, վառելիքը։
Ընկերության պարզաբանման մեջ նշված էր, թե «Աշտարակ կաթ»-ը մշտապես զսպել է կաթնամթերքի գնաճը իր ռեսուրսների, որի սպառումից հետո՝ վարկերի եւ պարտքերի հաշվին։ «Կաթնամթերքի հիմնական տեսակները թանկացել են միջինը 5-10 տոկոսով։ Գների բարձրացման նպատակը շարունակվող վնասների մի մասի փոխհատուցումն է։ Կցանկանայինք շեշտել, որ մեր ընկերությունը, չնայած ավելի մեծ վնասի, չի բարձրացրել կաթի գինը՝ հաշվի առնելով դրա նկատմամբ երեխաների եւ մեծահասակների պահանջարկը»,- նշված է ընկերության պարզաբանման մեջ։
Անդրադառնալով դոլար-դրամ փոխարժեքին, «Աշտարակ կաթ» ընկերությունից փոխանցեցին, որ այն ազդում է գնագոյացման վրա՝ հաշվի առնելով այն հանգամանքը, որ այս տարիների ընթացքում ընկերության կուտակած վարկերը դոլարային են, դրանց դիմաց վճարվող տոկոսները փաստորեն թանկանում են։
Կարդացեք նաև
Միեւնույն ժամանակ ընկերությունից հայտնում են, որ գնային փոփոխության պատճառները ավելի խորքային են եւ ուղղակիորեն կախված չեն վերջին օրերին արտարժույթի փոխարժեքի բարձրացումից։
Հովհաննես ՄՈՒՐԱԴՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
