Սիրելի հայրենակիցներ,
Ինչպես ես բազմիցս ասել եմ, մեր բոլորի, և անձամբ իմ խնդիրը ես միշտ տեսել եմ մեր ժողովրդին, մեր երկրին օգտակար լինելու մեջ: Հայաստանում առկա խնդիրները լուծելու համար մեզ անհրաժեշտ է ոչ թե պատերազմել միմյանց դեմ, այլ հանգիստ, առանց միմյանց վիրավորելու աշխատել, ցույց տալ առկա բոլոր բացերը, գտնել լուծումներ և կյանքի կոչել դրանք: Միայն այդպես է հնարավոր վերացնել այն իրավիճակը, որն այսօր մենք ունենք մեր երկրում:
Ցավով եմ նշում, որ վերջին օրերի ընթացքում գործընթացները մեր երկրում բոլորովին այլ ուղղությամբ են ընթանում: Սա որևէ բարի տեղ չտանող ուղղություն է: Դժվար չէ պատկերացնել, թե այն, ինչ կատարվում է հիմա, ինչի կհանգեցնի ընդամենը մի քանի շաբաթների ընթացքում: Այսպես շարունակվելու դեպքում չի շահի ոչ մեկը և առաջին հերթին մեր ժողովուրդը: Այսպես շարունակել չի կարելի, հետո բոլորս մեղադրելու ենք ինքներս մեզ:
Ինձ համար թանկ է մեր քաղաքացիներից յուրաքանչյուրի կյանքն ու արժանապատվությունը: Ոչ մի նպատակ չի կարող արդարացնել նույնիսկ մեկ անմեղ մարդու արյուն: Թե իշխանության, թե ընդդիմության խնդիրն է չանցնել ողջամտության սահմանը: Բոլոր խնդիրները պետք է լուծվեն խաղաղ, օրինական, քաղաքական ճանապարհով:
Կարդացեք նաև
ԲՀԿ նախագահ Գագիկ Ծառուկյան
Je suis Gagulik.
Միակ բանը, որ կարող էր շահել այսօր Հայաստանը վերջին 25 տարվա տառապանքների դիմաց`դա “ընդդիմություն” գաղափարի կայանալն էր մեր քաղաքականացված հասարակության մեջ: Բայց նույնիսկ սա էլ չունեցանք: Սկսած Վազգեն Մանուկայնից, որը սկսեց ոչնչացնել այս գաղափարը ԱԺ դարպասների տակ, վերջացրած տաղանդաշատ Գագուլիկով, ջարդեցին վերջին հույսը: Մենք սրա՞ն էինք արժանի`ո՞ր մեղքի համար:
Je suis Gagulik.