«Արաբկիր» բժշկական կենտրոնի բժիշկներ Լիլիթ Վարդանյանի եւ Զարինե Այվազյանի դեմ հարուցված քրեական գործով Լ.Վարդանյանի պաշտպանը՝ Գիվի Հովհաննիսյանը դիմել էր Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանին, որպեսզի հետաձգվի դատական նիստը` կապված իր առողջության հետ: Լ.Վարդանյանը համաձայն չէր, որպեսզի առանց իր պաշտպանի անցկացվի դատական նիստը:
Մեղադրող Դավիթ Կարապետյանն էլ ասաց, թե խախտում չի, որպեսզի դատական նիստը առանց պաշտպանի անցնի, քանի որ դատական նիստի արձանագրության կրիչը կտրամադրվի նրան:
Երկու տարեկան Լիա Միսակյանի հոր ներկայացուցիչ Արթուր Սաքունցը կողմ էր, որպեսզի մեղադրանքի կողմի ճառերն այսօր ասվեն:
Կարդացեք նաև
Զարինե Այվազյանի պաշտպան Երեմ Սարգսյանն ասաց, թե դատավարության օրենսգրքով սահմանված է, որ առանց պաշտպանի չպիտի անցկացվի նիստը, մանավանդ, Լ.Վարդանյանի պաշտպանը հայտնի չէ, թե ինչ քայլեր կանի մինչ մեղադրողի ճառը:
Դատավոր Լեւոն Ավետիսյանը ասաց, որ պաշտպանի բացակայությամբ գործի քննությունը էապես կվնասի ամբաստանյալի պաշտպանության իրավունքի իրականացմանը, եւ որոշեց հետաձգել քննությունը:
Ճառերը կլսվեն մարտի 12-ին:
Ռ.ՄԻՆԱՍՅԱՆ
