«Հայրենական ապրանք արտադրողների միության» նախագահ Վազգեն Սաֆարյանը գոհ է ՀՀ վարչապետ Հովիկ Աբրահամյանի մեկ տարվա աշխատանքից, չնայած, որ ինչպես ինքը նշեց, մեկ տարի է չի կարողանում հանդիպել վարչապետին` հայրենական ապրանք արտադրողների 16 խնդիր ներկայացնելու: Այսօր «Դիալոգ» ակումբում պարոն Սաֆարյանը դրական գնահատեց վերջին մեկ տարում հարկային քաղաքականության մեջ տեղի ունեցած փոփոխությունները, մասնավորապես` ՏՏ ոլորտի, ընտանեկան բիզնեսի «հարկազատումը»:
ՓՄՁ հայկական ասոցացիա հ/կ նախագահ Հակոբ Ավագյանի կարծիքով, Շրջանառության հարկի մասին փոփոխված օրենքը որոշ հարցեր լուծեց փոքր բիզնեսի համար, սակայն այն գերխնդիրը, որ դրված էր հարկի փոփոխությամբ` այդպես էլ չլուծվեց:
Հակոբ Ավագյանի խոսքերով, մինչ օրս չլուծված մնաց մաքսային սահմանի հարցը: Ըստ նրա, ներքին օղակները` էկոնոմիկայի նախարարությունը, ՊԵԿ-ը լավ չեն աշխատում, որ Հովիկ Աբրահամյանը անձամբ է գնում Ոսկու շուկա` ձեռնարկատերերի խնդիրները առաջին ձեռքից լսելու, մինչդեռ թե’ նրանց շահերը պաշտպանող կազմակերպությունները, թե տնտեսվարողները պարբերաբար այդ հարցերը ներկայացնում են հարկայինին:
Վերջին անգամ ե՞րբ է Վազգեն Սաֆարյանը հանդիպել հայրենական ապրանք արտադրողներին, հարցին, պարոն Սաֆարյանն ասաց, որ ապրիլի 13-ին փորձում են լուծել նրանց հուզող հարցերը: Հարցին, թե փակվելո՞վ են լուծվում տեղական բիզնեսի հարցերը, Վազգեն Սաֆարյանն ասաց, որ համամիտ չէ, որ այսօր մարդիկ իրենց բիզնեսը փակում են:
Կարդացեք նաև
Լուսինե ԲՈՒԴԱՂՅԱՆ
