Մայիսի 17-ին Դիլիջան քաղաքում եւ հարակից Գոշ, Հաղարծին, Թեղուտ, Խաչարձան, Աղավնավանք, Հովք գյուղերում կայանում են համայնքների խոշորացման վերաբերյալ տեղական հանրաքվեներ: Դրանք անցնում են ընտրողների ոչ ակտիվ մասնակցության պայմաններում:
Տավուշի մարզի թիվ 41 ընտրատարածքային ընտրական հանձնաժողովի նախագահ Աիդա Սարգսյանից տեղեկացանք ժամը 17-ի դրությամբ համայնքներում քվեարկության մասնակցածների թիվը: Այդ ժամի դրությամբ Աղավնավանք գյուղում քվեարկության իրավունք ունեցող 267 ընտրողից քվեարկությանը մասնակցել է 136-ը, Հովքի 319 ընտրողից՝ 120-ը, Հաղարծնի տեղամասերից մեկի 1386 ընտրողից՝ 210-ը, մյուսում՝ 1564 ընտրողից՝ 345ը:
Գոշի տեղամասերից մեկում քվեարկության իրավունք ունեցող 548 ընտրողից ժամը 17-ի դրությամբ քվեարկությանը մասնակցել է 150-ը, մյուս տեղամասի 267 ընտրողից ՝ 83-ը: Թեղուտում ժամը 17-ի դրությամբ քվեարկության մասնակցության իրավունք ունեցող 1138 ընտրողից քվեարկությանը մասնակցել է 362-ը, Խաչարձանում՝ 275-ից 116-ը:
Դիլիջան քաղաքի ընտրական 11 տեղամասերում եւս ժամը 17-ի դրությամբ քվեարկության մասնակցությունը ցածր է: Ըստ տեղամասերի քվեարկության իրավունք ունեցողներից քվեարկել են՝ 1371-ից՝ 74-ը, 1172-ից՝ 185-ը, 1314-ից՝ 108-ը, 1537-ից՝ 170-ը, 1059-ից՝ 223-ը, 1138-ից՝ 220-ը,1764-ից՝ 230-ը, 1321-ից՝ 220-ը, 967-ից՝ 220-ը, 1680-ից՝ 248-ը, 1345-ից՝ 218-ը:
Կարդացեք նաև
Աիդա Սարգսյանը հայտնեց, որ հանրաքվեի ընթացքի վերաբերյալ բողոքներ չկան:
Ոսկան ՍԱՐԳՍՅԱՆ
Վերջապես միավորվում ենք; ամեն մարզում մի երկու գյուղապետարանը ծով ա, քանզի փոքրաթիիվ համայնքներ են հիմնականում, դպրոցներն էլ կարելի է միավորել, էլի շատ-շատ բաներ: Որքան կուրախանար Եղ. Չարենցը, ով իր ժամանակին ասում էր,-Ով հայ ժողովուրդ, քո փրկությունը քո միասնության մեջ է: Փրկվելու ենք…