Հայտնի են երեկ կայացած տեղական ինքնակառավարման մարմինների ընտրությունների նախնական արդյունքները:
Մասնավորապես՝ Աբովյանի արտահերթ ընտրություններում ձայների մեծամասնությունը ստացել է ՀՀԿ-ի եւ ԲՀԿ-ի միացյալ թեկնածուն՝ Վահագն Գեւորգյանը: Թիվ 28 ընտրատարածքային ընտրական հանձնաժողովի հրապարակած տվյալների համաձայն՝ ստացել է ձայների շուրջ 60 տոկոսը. նրա օգտին քվեարկել է 11 227 ընտրող: Արթուր Հարությունյանը («Պալաչ») ստացել է գրեթե կիսով չափ պակաս ձայներ` մոտ 31 տոկոս՝ 5 459 քվե: Աբովյանի նախկին քաղաքապետ Կարապետ Իսրայելյանի օգտին քվեարկել են 526 հոգի, Էդվին Թադևոսյանի՝ 520, երկրորդ Արթուր Հարությունյանի օգտին՝ 159 հոգի: Աբովյանի 43 810 ընտրողներից քվեարկությանը մասնակցել են 18 535-ը:
Ալավերդիի քաղաքապետ է դարձել, նախնական արդյունքներով, ՀՀԿ-ի պաշտպանյալ թեկնածուն՝ Կարեն Փարեմուզյանը: 16474 ընտրողներից ընտրությանը մասնակցել է 8970-ը: Կարեն Փարեմուզյանի օգտին քվեարկել է 5141 մարդ: Նրա մրցակից Արթուր Աբգարյանի օգտին քվեարկել է 3554 հոգի: Ալավերդիում գրանցվել է ընտրություններին մասնակցության աննախադեպ բարձր ցուցանիշ, ինչպես հաղորդում է Լոռու «Ֆորտունա» հեռուստաընկերությունը:
Կարդացեք նաև
Դե, իսկ Արտաշատում, ինչպես արդեն հաղորդել ենք, հաղթել է միակ թեկնածուն՝ Արգամ Հովիկի Աբրահամյանը:
