Արաբկիր եւ Քանաքեռ- Զեյթուն վարչական շրջանների ընդհանուր իրավասության դատարանն այս պահին խորհրդակցության սենյակում է, կես ժամից կհրապարակի ԱԺ ՀԱԿ խմբակցության պատգամավոր Արամ Մանուկյանին ապտակելու գործով դատավճիռը:
Մեղադրվող Արշակ Սվազյանը հրաժարվեց իր վերջին խոսքն ասելու իրավունքից, ասաց՝ նախաքննության ժամանակ ամեն ինչ ասել է, ավելացնելու բան չունի, թողնում է դատարանի հայեցողությանը:
Դատական նիստին չեն ներկայացել տուժող պատգամավորն ու նրա ներկայացուցիչը:
Հիշեցնենք, որ Արամ Մանուկյանը հարձակման էր ենթարկվել դեկտեմբերի 11-ի երեկոյան՝ ստանալով մարմնական վնասվածքներ: ՀՀ ոստիկանության Երևան քաղաքի վարչության և Արաբկիրի բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է կասկածյալի անձը` 1973 թ. ծնված Արշակ Սվազյան, որը դեկտեմբերի 14-ին, ժամը 7.30-ի սահմաններում, Երևանի Ծովակալ Իսակովի 30 հասցեի մոտից բերման է ենթարկվել ոստիկանություն:
Կարդացեք նաև
Արփինե ՍԻՄՈՆՅԱՆ
