Գյումրու Թատերական հրապարակում հոսանքի թանկացման դեմ մեկ շաբաթ շարունակ ինքնաբուխ նստացույց անցկացնելով՝ այսօրվանից գյումրեցի նստացուցարները դադարեցրեցին այն՝ փոխելով իրենց պայքարի ձևը:
Նստացուցարարներից Տիգրան Պետրոսյանը նշեց, որ իրենց հուզող խնդիրը թեև ֆիքսվել է նախագահի կողմից, դա մեծ առաջընթաց է, սակայն իրենք համաձայն չեն վերջինիս առաջարկին, նրա մատնանշած լուծումները իրենց համար ընկալելի չեն, քանի որ տարբերություն չկա որտեղից կթեթևացվի բեռը՝ ժողովրդի գրպանից, թե բյուջեից:
«Բյուջեն մեր գրպանն է, բայց ոչ մեզ մոտ գտնվող: Այսինքն` այս տեսանկյունից մենք ևս մեկ անգամ ֆիքսեցինք, որ եթե ոչ բյուջետային միջոցներով սուբսիդավորման խնդիր կլուծվի, մենք մեր պահանջը կհամարենք լուծված»,- ասաց Տիգրան Պետրոսյանը:
Ըստ նրանց, նստացույցի նպատակը հանրային իրազեկումն էր, ովքեր ուզում էին ինֆորմացիա ստանալ, իրենց բողոքն ու առաջարկները ներկայացնել, գալիս էին Թատերական հրապարակ, այժմ ողջ Գյումրին իրազեկված է,այս առումով նստացույցը իր նպատակը կատարեց, հիմա կփոխեն պայքարի ձևը, թատրոնի հարթակը ամեն օր նույն ժամին կօգտագործվի հավաքների ու ելույթների համար:
Կարդացեք նաև
«Մեր պահանջները չեն փոխվել, մենք փոխում ենք մեր պահանջների ներկայացման եղանակը»,-հայտարարարեցին մտավորական նստացուցարարները:
Նունե ԱՐԵՎՇԱՏՅԱՆ
