Աթենքում անցկացված հեծանվային սպորտի Եվրոպայի երիտասարդական առաջնությունում ոսկե եւ Աստանայում կայացած նույն տարիքային խմբի աշխարհի առաջնությունում արծաթե մեդալ նվաճած Էդգար Ստեփանյանի եւ մեր մյուս հեծանվորդների հաջող մրցելույթների առիթով այսօր «Peoplemeter» մամուլի ակումբում հրավիրված մամուլի ասուլիսի ժամանակ Aravot.am-ը հետաքրքրվեց, թե հեծանվային սպորտն աշխարհում ոչ մաքուր (դոպինգի չարաշահման տեսանկյունից) մարզաձեւի համբավ ունի: Հայաստանում այդպիսի խնդիր մեր հեծանվորդներն ունե՞ն:
Ի պատասխան, մեր ազգային հավաքականի գլխավոր մարզիչ Արմեն Գյոզալյանն ասաց. «Հայ հեծանվորդները միշտ էլ ձեռքբերումներ ունեցել են ու երբեք նման խնդիրներ չեն առաջացել: Մենք շատ սերտորեն ենք համագործակցում Հայաստանի հակադոպինգային ծառայության հետ ու անգամ մարզիկի առողջական ամենաթեթեւ հարցում որեւէ դեղ չենք օգտագործում մինչեւ մասնագետի թույլտվությունը չստանանք: Մեր հեծանվորդների դոպինգը իրենց ընդունած մայրական անարատ կաթն է»:
Աշոտ ՀԱԿՈԲՅԱՆ
