«Ոչ»-ի ճակատը սեպտեմբերի 14-ին Հիմնադիր խորհրդարանի գրասենյակում փակ քննարկում է անցկացնում:
«Հիմնադիր խորհրդարանի» գրասենյակի դիմաց Aravot.am-ը հանդիպեց «Հիմնադիր խորհրդարանի» անդամներին, որոնց շարքում էին նաեւ Գեւորգ Սաֆարյանը եւ «Ոտքի՛, Հայաստան» նախաձեռնության անդամ Դավիթ Հովհաննիսյանը:
«Հիմնադիր խորհրդարանի» անդամները Aravot.am-ին վստահեցրեցին, որ քննարկումն ամբողջությամբ փակ է. իրենք նույնիսկ չեն կարող ասել, թե ովքեր են մասնակցում քննարկմանը:
Aravot.am-ի հարցին, թե արդյոք միայն «Ոչ»-ի ճակատի անդամներն են մասնակցում, Գեւորգ Սաֆարյանն ասաց, որ չգիտի, թե բացի ճակատի անդամներից արդյոք այլ անձինք են մասնակցում քննարկմանը: Նա հավելեց, որ նույնիսկ ինքը չի մասնակցում:
Կարդացեք նաև
Փորձեցինք ճշտել նաեւ, թե ինչ թեմաներ են ներկաները քննարկում, Գեւորգ Սաֆարյանը նախ պատասխանեց, թե տեղյակ չէ, այնուհետեւ ասաց, որ քննարկվում են նույն թեմաները, որոնք քննարկվել են նախորդ քննարկման ընթացքում, սակայն չմանրամասնեց, թե կոնկրետ, որոնք:
«Հիմնադիր խորհրդարանի» անդամները Aravot.am-ին հայտնեցին, որ քննարկումը, ըստ երեւույթին, բավականին ուշ կավարտվի, իսկ մասնակիցները չեն պատասխանի մեր հարցերին: Նաեւ նշեցին, որ քննարկման ավարտից հետո ճակատը հայտարարություն կտարածի:
Ամի ՉԻՉԱԿՅԱՆ
