Ստրասբուրգում այսօր Տեղական եւ տարածքային իշխանությունների կոնգրեսից առաջ «Փախստականները եւ միգրացիայի ճգնաժամը. որն է տեղական եւ տարածաշրջանային իշխանությունների դերը» թեմայով քննարկման ժամանակ ԵԽԽՎ նախագահ Անն Բրասյորը «Եվրոպայի թիվ 1 մարտահրավերի՝ փախստականների եւ միգրացիայի հարցում» համերաշխության կոչ է արել:
«Եթե երբեւիցե համերաշխության կարիք է եղել, դա հիմա եւ դա մեր պարտականությունն է «համերաշխություն» բառը պարտականություն դարձնել: Համերաշխություն փախստականների նկատմամբ, որոնք փախչում են պատերազմից, հակամարտությունից եւ աղքատությունից: Համերաշխություն առաջապահ պետություններից, տարանցման երկրներից եւ նպատակակետ երկրներից: Համերաշխություն եվրոպական երկրներից, որոնք նույնպես պայքարում են որպես տարանցիկ եւ նպատակակետ երկրներ: Համերաշխություն մեր տարածաշրջանի երկրներից, քաղաքներից, գյուղերից. ահա թե ինչու է Կոնգրեսի աշխատանքն այդքան կարեւոր»,- մասնավորապես նշել է ԵԽԽՎ նախագահը:
Պատրաստեց Աշոտ ԻՍՐԱԵԼՅԱՆԸ
