Գյումրու ամենակենտրոնում՝ Սայաթ-Նովա փողոցում ու Խաղաղության օղակում, որտեղ 2-3 ամիս առաջ բավական մեծ թվով խանութներ կային, այսօր դրանք համատարած փակվել են: Երբեմնի ճոխ հագուստի խանութների բոլոր շենքերը վարձով են տրվում, անգամ վարձով է տրվում Գյումրու նախկին քաղաքապետ Վարդան Ղուկասյանի եղբորը պատկանող մանկական «Հրաշքների աշխարհ»-ի առաջին հարկը:
Իսկ այս ամենը, որքան էլ տխուր լինի, դատարկվող քաղաքի պատկերն է. մարդկանց փոխարեն այս քաղաքում մնացել են միայն անհույս վարձով տրվող կառույցները: Նկատելի է, որ բիզնեսը չի արդարացնում ինչպես քաղաքի կենտրոնում, այնպես էլ ծայրամասերում:
Մեր ֆոտոխցիկը ֆիքսեց, որ փակվել է նաեւ Գյումրու ամենամեծ թաղամասերից մեկի՝ Անիի «Պոնչիկ-Մոնչիկ» մանկական սրճարանը: Այս կառույցը, որը գտնվում էր Գյումրու մանկավարժական ինստիտուտի մոտ, երիտասարդների տեսադաշտում, այժմ վարձով է տրվում:
Մեզ հետ զրույցում Գյումրու Սայաթ-Նովա փողոցում առեւտուր ծավալող այլ խանութատերեր եւս խոսեցին բիզնեսը դադարեցնելու մտադրության մասին: Իսկ այս ամենը փաստում է, որ կառավարության՝ Գյումրին աշխուժացնելու ցանկությունն անչափ ուշացած է:
Կարդացեք նաև
Նունե ԱՐԵՎՇԱՏՅԱՆ
Մի քանիսին գիտեմ ,որ մնացորդները լիկվիդացիոն գներով վերացնում են , որ փակեն գործը: