Այսօր Գյումրիում տեղի ունեցած «Նոր Հայաստան» շարժման հանրահավաքի ժամանակ Րաֆֆի Հովհաննիսյանից ելույթի խոսք խնդրեց գյումրեցի տարեց մի տղամարդ՝ կոչ անելով բոլոր կուսակցություններին շեշտն առաջնային դնել արդյունաբերության զարգացման վրա:
Վերջինս հիշեցրեց, որ Գյումրին երբեմնի արդյունաբերական քաղաքներից է, որի 27 արդյունաբերական ձեռնարկությունները երկրաշարժից հողին հավասարվեցին: Նա տխրությամբ հայտարարեց, որ Գյումրին դատարկվել է, բնակչության 60 տոկոսը հեռացել է քաղաքից, մարդիկ «Ռուսաստանի կոնստիտուցիան» են ընդունել: Ըստ նրա, քաղաքը գործազրկության մեջ է թաղվել:
Այնուհետ դառնալով դեպի Րաֆֆի Հովհաննիսյանը, պապիկն ասաց. «Սիրելի՛ Հովհաննիսյան, ես հարգում եմ ձեր ազգը, հայրդ Ամերիկայում Հայ ժողովրդի պատմությունն է գրում, հայ ժողովրդի թուրք թշնամիների մասին, գենոցիդ է հիշում, գրում»: Նա Րաֆֆի Հովհաննիսյանին խնդրեց ուշադրություն դարձել աշխատատեղերի ստեղծմանը՝ դժգոհելով. «Որ առեւտրի օջախը մտնում ես, հասարակ տրուսիկ-մայկայի վրա գրած է՝ Թուրքիա, Թուրքիա, մենք Թուրքիայի բազըրգյա՞զն ենք դարձել, ի՞նչ է իրենց պահանջում կարի գործարանը՝ դժվա՞ր է կարի գործարանը աշխատացնե՞լ»: Րաֆֆի Հովհաննիսյանը խոստացավ, ասելով. «Անելու ենք, անելու ենք», որին ի պատասխան ծերունին շնորհակալություն հայտնեց. «Ոտքերիդ տակ վարդ, մանուշակ բուսնի»:
Կարդացեք նաև
Նունե ԱՐԵՎՇԱՏՅԱՆ
Րաֆֆի Հովհաննիսյանը խոստացավ, ասելով. «Անելու ենք, անելու ենք»
……………………………………………………………………………………………………..
գիտակցաբար խաբում ես ծերունիին