Այսօր Կենտրոն եւ Նորք Մարաշ վարչական շրջանների ընդհանուր իրավասության առաջին ատյանի դատարանում հետաձգվեց Պարույր Հայրիկյանի վրա կրակողներից վնասների փոխհատուցման պահանջով դատական նիստը:
Aravot.am-ի հետ զրույցում Պարույր Հայրիկյանի շահերը ներկայացնող փաստաբան Լեւոն Բաղդասարյանն ասաց, որ նիստը չի կայացել` դատավարական կողմերին պատշաճ ծանուցում չլինելու պատճառաբանությամբ:
Հաջորդ նիստը տեղի կունենա մայիսին:
ԱԻՄ կուսակցության առաջնորդ Պարույր Հայրիկյանը, նույնպես, ներկա չի եղել դատին, քանի որ նա, այս օրերին հանրապետությունից բացակայում է:
Կարդացեք նաև
Հիշեցնենք, որ 2014 թվականի փետրվարի 28-ին Պարույր Հայրիկյանի կողմից հայցադիմում է ներկայացվել դատարան ընդդեմ Վարդան Սեդրակյանի, Խաչատուր Պողոսյանի եւ Սամվել Հարությունյանի` բուժման նպատակով ծախսած գումարները բռնագանձելու պահանջով:
Լուսինե ԲՈՒԴԱՂՅԱՆ
