Այսօր Կոմիտասի անվան զբոսայգու պանթեոնում մի հավատացյալ կին մոտեցավ ԱԺ փոխխոսնակ Էդուարդ Շարմազանովին եւ նրան Նոր կտակարան նվիրելով՝ զրույցի բռնվեց:
Կնոջ խոսքերով՝ «Ես հոգեւոր ծառայություն եմ մատուցում, գոհանում եմ իմ Աստծուց, որ Քրիստոս եկավ մեր մեղքերի համար, խաչվավ, մեռավ, հարություն առավ, որ մենք ապրենք ու հավիտյա՛ն ապրենք, տղե՛ս»:
Էդուարդ Շարմազանովը պատասխանեց. «3 օրից Հարության տոնն է՝ ամենամեծ տոնը մեր կյանքում: Թող բոլորը հասկանան, որ միակ ամենակարող Տերը նա է՝ վերեւում»:
Էդուարդ Շարմազանովն ու կինը սկսեցին քննարկել աստվածաշնչյան թեմաներ, խոսեցին ծոմապահության մասին: Շարմազանովը պատմեց, թե որ պատվիրաններին է հետեւում. «Չեմ կարծում 100 տոկոսանոց մարդ լինի: Ես վատ բաներ չեմ անում: Մի-երկու բան կա, էդ հեչ»:
Կարդացեք նաև
Կինն ասաց՝ «Փառք Հիսուսին, ոչինչ, ամենագերագույնը սուրբն է, որ վատ բաներ չեք անում՝ ներում է: Տերս օգնի իմ բարի ազգին: Հիսուսը մեռավ՝ մեր կյանքը փրկելու համար»:
Հետո խոսքը հասավ դրախտին ու դժոխքին: Կինը պատմեց, որ կլինիկական մահ է տարել, հրեշտակներն իրեն տարել են դժոխք ու դրախտը ցույց տվել. «Սկեսուրիս բերեցին, դժոխքում էր, սկեսրայրս էլ ձյուն ու սառույց էր մաքրում էլի դժոխքում: Էդպես, Շարմազանով ջան, ինչ ասեմ, դրախտն էլ տեսա՝ ծաղիկները գույնզգույն»:
Շարմազանովը ձեռքը գցեց կնոջ ուսին ու ջերմ զրուցելով քայլում էին պանթեոնի տարածքում: Նրա խոսքերով՝ «Բա սկեսուրիդ համար աղոթեիր: Աղոթի, որ գնա դրախտ»:
Կինն էլ պատասխանեց. «Աղոթում եմ հիմա: Տերը որ գա, դատաստանի օրը կների, ոչինչ»:
Էդուարդ Շարմազանովը կատակեց. «Էս ամբողջ պատմության իմաստը նա է, որ սկեսուրիդ դժոխքում տեսել ես, չէ՞»:
Կինը պատմում էր, որ Եռաբլուրում հոգեւոր ծառայություն է մատուցում. «Ինքնակամ , ձրի, անմնացորդ ծառայում եմ: Չեմ գնում մուրում: Ասում եմ՝ Տեր Հիսուս ջան, քո կամքն է, եթե ինձ հացի փողից չկտրես, շատ չտաս, որ չհարստանամ, բայց նենց էլ քիչ չտաս, որ սոված մնամ»:
Հռիփսիմե ՋԵԲԵՋՅԱՆ
էս ինչ մառազմա,….ու սրա լրատվական և/կամ բովանդակային արժեքը որնա????
էս կղերականության գովազդ է?