«Հայ կանանց ճակատը» մարտի 26-ին ստորագրահավաք է սկսել՝ «Մի խոշտանգիր կնոջը, ոստիկան» խորագրով՝ ի զորակցություն Մաշտոցի պողոտայում տեղի ունեցած միջադեպի հետեւանքով տուժած Ռուզաննա Եղնուկյանի և ընդդեմ Հայաստանում տեղի ունեցող ոստիկանական բռնությունների: Ստորագրահավաքը կազմակերպված է մինչեւ ապրիլի 7-ը:
Լրագրողների հետ զրույցում «Հայ կանանց ճակատի» անդամ Կարա Չոբանյանը ասաց, որ ստորագրահավաքի ավարտից հետո ճակատը պատրաստվում է երթ անցկացնել. «Ստորագրահավաքը նպատակ ունի ցույց տալ, որ այդքան մարդ ոչ միայն տեղյակ է, այլեւ դեմ է: Որովհետեւ կան մարդիկ, որոնք դեմ են, բայց տեղյակ չեն, չեն հետաքրքրվում, այդ պատճառով էլ տեղյակ չեն»:
Անդրադառնալով քննադատություններին՝ Կարա Չոբանյանն ասաց, որ անտեղի քննադատություններ են հնչել. «Կանայք իրենք նախաձեռնել են առաջինը դուրս են եկել: Ոչ ոք մեզ ոչինչ չի հրահանգել»: 
ՀՀԿ խոսնակ Էդուարդ Շարմազանովն էլ էր անդրադարձել ակցիային՝ նշելով, որ տեղի է ունեցել մի բան, որ մեր մենթալիտետի համար կամ մեր մայրաքաղաքում, մեր երկրում, կարծես թե, առաջին անգամ տեղի ունեցավ . «Մեր երկրում ընդունված չի եղել, որ կանայք մեխեն իրենց, միգուցե դա այլ ձեւ է: Ես դատախազի ու դատավորի գործառույթ չեմ ուզում վերցնել, ակցիան դիտելով՝ տպավորություն ունեմ, որ ոստիկանները չէին ցանկանում բախումներ»:
Կարդացեք նաև
Կարա Չոբանյանը ասաց, որ պայքարի մեջ բոլոր ձեւերն էլ ընդունված են. «Ի՞նչ է նշանակում ընդունված չէ: Շատ բաներ ընդունված էին, հետո փոխվեցին ընդունված չեն: Կանայք պարտավոր չեն անել այն, ինչ ընդունված է, անում են այն, ինչ հարմար են գտնում: Եվ երբ որ մարդը դուրս է եկել ցույցի, պայքարի գլուխը սափրելով էլ կարող է բողոքել, պառկելով էլ, վազվզելով էլ, ցատկելով էլ, երգելով էլ, գոռալով էլ՝ հնարավոր բոլոր միջոցներով»:
Նա նշեց, որ առաջիկայում պատրաստվում են նման բողոքի ակցիաներ անցկացնել. «Պայքարը երկարատեւ պետք է լինի: Պայքարի դուրս եկած մարդը 1-2 ճնշումներից չի ընկրկում»:
Ամի ՉԻՉԱԿՅԱՆ
«Մի խոշտանգիր կնոջը, ոստիկան»
այսինքն՝
որ ուզենաս, խոշտանգիր տղամարդուն,
միայն թէ՝ հանգիստ թող կիները
խտրականութեան քարոզ է այս
սեռային հաւասարութիւն նշանակում է որ չպիտի լինի նաեւ ոչ մի տարբերութիւն, թէ ոստիկանը խոշտանգել է տղամարդուն, կամ կնոջ
(եթէ իրոք խոշտանգում եղել է, անշուշտ.
Ռուզաննան ինք իսկ պարկեշտութիւնը ունի ասելու թէ չի յիշում, ընդհանուր իրարանցումին մէջ՝ չի նկատել, թէ ճիշդ ինչ է պատահել, որու պատճառով է գետին ինկել. )
սակայն կոպիտ փրոփականտա կը շարունակվի
այստեղ ել, կանանց իրաւունքների շահագործումով
Մաքիավելական մօտեցում
ի դէպ, խի՞ վիդեո չունեն,
որ ցուցաբերեն ինչ որ ուզում են տարածել, այս պարագային…
նոյնպէս՝այդ Ամանորի դէպքի առիթով,
ուր այդ տղան ոստիկանի հետ ինչ-որ հարց է ունեցել,
footage-ը ո՞ւր ա, այս պարագաներին…
մինչ, Բերձորի առիթով՝ կարգին կինո սփռվեցաւ,
բոլորս խիստ յուզվեցանք,
շատ լաւն էր,
պրավո
անհամար այֆոնները, տեսախցիկները, մէկ-մէկ խանգարվո՞ւմ են,
ըստ պատահարի…
բացայայտ կարելիութիւն է որ քրոջս Ռուզաննայի գլուխը – ակամա – արիւնող ցուցարարը հիմա ել բողոքի ցոյց է կատարում նոյն գլխի արյան կապակցությամբ