Ադրբեջանի նախագահ Իլհամ Ալիեւի` ռամիլսաֆարովներին հերոսացնելու քաղաքականության կողքին, ինչպես եւ կանխատեսելի էր, կանգնած է նաեւ Թուրքիան: «Տեղեկություններ կան, որ մեր եզդի եղբորը գլխատած դահիճներին եւ մսավաճառներին պարգեւատրել են նաեւ թուրքական մեդալներով»,- Aravot.am-ին հայտնեց Արցախի նախագահի մամուլի խոսնակ Դավիթ Բաբայանը:
Նա նշեց, որ երբ ադրբեջանական բանակի զինծառայողը Քյարամ Սլոյանի գլուխը ցուցադրել էր հանրությանը, վերջինիս թուրք-զինակիցները գոչել են, որ այդպես է լինելու նաեւ քուրդ ժողովրդի հետ. «Իհարկե, եզդիները եւ քրդերը տարբեր ժողովուրդներ են, բայց թուրքերն ու ադրբեջանցիները նույն տեսանկյունից են դիտում»,-հավելեց Բաբայանը:
Հիշեցնենք, որ օրերս Ալիեւը պարգեւատրել էր քառօրյա պատերազմում հերոսի մահով ընկած եզդի զինծառայող Քյարամ Սլոյանին գլխատողին (լուսանկարում):
Հայաստանաբնակ եզդիները հանդես էին եկել հայտարարությամբ:
Կարդացեք նաև
Լուիզա ՍՈՒՔԻԱՍՅԱՆ
