Այսօր ԱԺ արտահերթ նիստում կառավարությունը նորից հետ բերեց «Հրազդան ցեմենտին» հարկային արտոնություններ տալու, սոցիալական ապահովագրական վճարների պարտքից ազատելու մասին այն նախագիծը, որն արդեն մի անգամ դրվել էր քվեարկության եւ չէր ընդունվել:
Այս անգամ կառավարությունը հատուկ ռեժիմով բերեց քննարկման՝ ընդունելու 24 ժամվա ընթացքում:
Հիշեցնենք, որ խոսքը 504 մլն դրամի տույժերը ներելու մասին է:
Էկոնոմիկայի նախարար Արծվիկ Մինասյանն ասաց՝ արդեն 4-րդ անգամ է ներկայացնում այս նախագիծը:
Կարդացեք նաև
Խաչատուր Քոքոբելյանի խոսքերով՝ պարտքատեր կա, որը հստակ առաջացրել է պարտքերը՝ ի դեմս բաժնետերերի, հիմա գտնում եք, որ չի կարելի գործարանը մասնատել. «Ասում եք՝ կառավարությունը լծակներ չունի, բայց կառավարությունը պարտքը իր վրա է վերցնում: Ժողովրդի լեզվով ասած՝ պարտքը ջրելը պարտքը վերցնելու ձեւ է: Հիմա ի՞նչ միջոցներ է ձեռնարկում կառավարությունը, որ գործարանը պարտքերից խուսափել այլեւս չկարողանա: Պարտքերը հո մի օրում չի՞ առաջացել»:
Արծվիկ Մինասյանը չհամաձայնեց. «Ցավը այն է, որ այս դրական նախագծի մասին խոսելու փոխարեն շեղում են, տալիս են այլ ընթացք, փորձում են ներկայացնել, իբր մտահոգ են: Ինչ վերաբերում է կառավարության պատասխանատվությանը, սրանով մտահոգություն է փակվում, բայց կառավարությունը չի կարող բաժնետիրոջ փոխարեն որոշումներ կայացնել»:
Հռիփսիմե ՋԵԲԵՋՅԱՆ
Այսպիսի չհիմնավորված գործարքներ են իրականացնում, իսկ հետո պնդում, որ պետությունը վատ կառավարիչ է: Վատը նման իրավիճակ ստեղծողներն են ու նման լուծումներ առաջարկողները: