Քաղծառայության խորհրդի նախագահ Մանվել Բադալյանն այսօր լրագրողների հետ զրույցում կարծիք հայտնեց, որ պետական ապարատը սոցիալական խնդիր լուծելու համար չէ: Նա նաեւ ասաց, որ ինքը միշտ էլ այն կարծիքին է եղել, որ պետական ապարատն օպտիմալացման կարիք ունի:
Մանվել Բադալյանն ասաց, որ` հենց այդ քանակի պատճառով է, որ պետական ծառայության այսօրվա որակն իրենց չի բավարարում:
Բադալյանի խոսքերով՝ քաղծառայության ոլորտում այսօր կա 7000 հաստիք, որից 700-ը թափուր են, իսկ 6300 մարդ աշխատում է: Ըստ նրա, առաջին հերթին կրճատվելու են այդ 700 թափուր հաստիքները, իսկ գործող հաստիքներից դեռ հայտնի չէ, թե քանի տոկոսն է կրճատվելու, հարցը դեռ քննարկվում է:
Կարդացեք նաև
Այն հարցին, թե ժամանակին, երբ բացվում էր Քննչական կոմիտեն, այդ կառույցի նպատակահարմարությունը վիճարկվում էր, ասում էին, թե Աղվան Հովսեփյանի համար է բացվում եւ որ այն ոչ պետքական կառույց է, պարոն Բադալյանն ասաց, որ այդ հարցն իրեն չի վերաբերվում:
Մանրամասները` տեսանյութում
Լուսինե ԲՈՒԴԱՂՅԱՆ
