Թուրքիայի գլխավոր ընդդիմադիր «Ժողովրդահանրապետական» կուսակցության առաջնորդ Քեմալ Քըլըչդարօղլուն խոսել է 2016թ. հունիսի 2-ին Գերմանիայի խորհրդարանում ընդունված Հայոց ցեղասպանության ճանաչման նախագծի վերաբերյալ։ Այս մասին տեղեկացնում է Timeturk-ը։
Քըըչդարօղլուին խնդրել են մեկնաբանել, թե ինչպես է վերաբերվում ազգությամբ թուրք Գերմանիայի խորհրդարանականների դիրքորոշմանը, որոնք կողմ էին արտահայտվել ցեղասպանության ճանաչման մասին նախագծի ընդունմանը։ Նա քննադատել է Էրդողանի խոսքերը, թե այդ խորհրդարանականների արյունն ու կերած կաթը պղտորվել է։
Քըլըչդարօղլուն հիշեցրել է, որ քվեարկությունից առաջ նամակով դիմել էր կանցլեր Անգելա Մերկելին, այդ երկրի քաղաքական կուսակցությունների առաջնորդներին՝ ասելով, որ նախագծի ընդունումը սխալ է և խնդրել, որպեսզի այն չընդունվի Բունդեսթագում։ Քըլըչդարօղլուի խոսքերով՝ այդ նախագծի ամենաբացասական կողմն այն է, որ Գերմանիայի դասագրքերում այսուհետ հիշատակվելու է Հայոց ցեղասպանությունը։
Կարդացեք նաև
