Արաբկիր եւ Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանում հունիսի 16-ին շարունակվում էր Նշան Ասատրյանի գործով դատական նիստը:
Հիշեցնենք, որ Նշան Ասատրյանին մեղադրանք է առաջադրվել այն բանի համար, որ նա, ուղղակի դիտավորությամբ խոչընդոտել է ՀՀ Սահմանադրության փոփոխությունների հանրաքվեի ընթացքը լուսաբանող` զանգվածային լրատվության միջոց հանդիսացող` «Ազատություն» ռադիոկայանի լրագրող Անուշ Մկրտչյանի լիազորությունների իրականացմանը:
Դատավոր Արթուր Մկրտչյանը ամբաստանյալ Նշան Ասատրյանին վերջին խոսքի իրավունք տվեց, սակայն վերջինս հրաժարվեց՝ նշելով, որ ավելացնելու բան չունի:
Դատարանը հեռացավ խորհրդակցական սենյակ, եւ վերադառնալով խորհրդակցական սենյակից հրապարակեց վճիռը: Ըստ որի, Նշան Ասատրյանը ճանաչվեց մեղավոր, եւ նրա նկատմամբ որպես պատիժ նշանակվեց տուգանք 500 հազար դրամի չափով:
Կարդացեք նաև
Նշենք, որ մեղադրող Գեւորգ Գեւորգյանը դատարանից պահանջել էր Նշան Ասատրյանի նկատմամբ նշանակել տուգանք 600 հազար դրամի չափով:
Ամի ՉԻՉԱԿՅԱՆ
