ԲՀԿ Երիտասարդական Միության կազմավորման տասնամյակի առիթով կուսակցության երիտասարդական կառույցը նախաձեռնել էր ֆուտբոլի առաջնություն, որին մասնակցում էին կուսակցության տարածքային երիտասարդական կառույցների թիմերը:
Երեկ տեղի է ունեցել ֆուտբոլային մրցույթի եզրափակիչ խաղը, որին ներկա էին ԲՀԿ նախագահը, ՀՀ ԱԺ ԲՀԿ խմբակցության պատգամավորներ, ԲՀԿ քաղխորհրդի անդամներ:
Մրցաշարին մասնակցել է ԲՀԿ Երիտասարդների Միության Երևանի տարածքային կառույցների և մասնագիտական խորհուրդների թվով 16 թիմ:
Եզրափակիչ խաղում հաղթանակ տարավ ԲՀԿ Կենտրոնական գրասենյակի Երիտասարդական միության թիմը:
Կարդացեք նաև
Հաղթող թիմերին եւ մրցույթի առավել աչքի ընկած մասնակիցներին հանձնվեցին հուշանվերներ եւ պատվոգրեր։
ԲՀԿ նախագահ Նաիրա Զոհրաբյանի առաջարկով սպորտային հաջորդ մրցույթը տեղի կունենա ԲՀԿ խմբակցության պատգամավորների եւ ԲՀԿ Երիտասարդական միության միջեւ։
ԲՀԿ մամուլի ծառայություն
