«Ազատություն» ռադիոկայան. Ադրբեջանի պաշտպանության նախարարությունը հաղորդել է, որ ադրբեջանական զինված ուժերի զինվոր է սպանվել՝ «շփման գծում հակառակորդի կողմից արձակված դիպուկահար կրակոցից»:
Տեղական լրատվամիջոցները, վկայակոչելով ռազմական գերատեսչության հաղորդագրությունը, փոխանցում են նաև, որ միջադեպը տեղի է ունեցել այսօր ժամը 12:30-ի սահմաններում: Հաղորդագրությունում, սակայն, չի հստակեցվում, թե «ճակատի» որ ուղղությունում է զոհվել ադրբեջանցի զինծառայողը, նշում է «Թուրան» լրատվական գործակալությունը:
