Եղրեւանու արմատն այրել, մոխիրը թզի մզվածքով քսել խալերին, մաշկային բծերին՝ դրանց բուժման համար

1. Առավոտյան դեմքի մաշկը թրջելուց հետո անպայման լավ տրորել՝ ծծեցնելով ջուրը, դրանից հետո մաշկը մաքրել սառույցի կտորով։

2. Եթե դեմքի մաշկը թեփոտած է, օգտագործեք մաքրման համար հետեւյալ բուժակարգը՝ պատրաստել լորենու եփուկ. 1 թեյի գդալ մանրացված լորու ծաղիկները լցնել 100 գրամ սառը ջրի մեջ, հասցնել մինչեւ եռալը, թողնել սառչի, խառնուրդի վրա ավելացնել 1 թեյի գդալ մեղր։ Այդ կազմով առատ թրջել, խոնավեցնել մաշկը: Բուժակարգը ընդունել 7 օր` պառկած վիճակում:

3. Կատարել սնուցող դիմակ:

Դիմակը պատրաստելու համար վերցնել 1 ճաշի գդալ թթվասեր, 2 ճաշի գդալ կաթնաշոռ, 1 ճաշի գդալ ծովային աղ:

Այդ խառնուրդը լավ հարել եւ քսել դեմքին։ Դիմակը պահեք 15-20 րոպե։ Հետո լվանալ տաք ջրով, դրանից հետո սառը ջրով:

4. Պատրաստել լուծույթ 3 մաս թարմ կաթից եւ մեկ մաս մաքուր սպիրտից։ Խառնուրդը քսել դեմքի մաշկին՝ գիշերը: Դա լավ է օգնում ծննդաբերությունից հետո առաջացած դեմքի պեպեններին:

5. Եղրեւանու արմատն այրել, մոխիրը թզի մզվածքով շաղախեք եւ քսեք խալերին, մաշկային բծերին՝ դրանց բուժման համար:

6. Դիմակները խստիվ արգելվում են դեմքի մազակալման դեպքում: Դիմակից հետո խորհուրդ է տրվում 1-2 ժամ չշպարվել։

Պատրաստեց ԱՆՈՒՇ ՄԱԹԵՎՈՍՅԱՆԸ

«Առավոտ» օրաթերթ