«Հաշվիչ հանձնաժողովը որոշեց, որ մեկ գույնի գրիչով ենք ընտրելու»,- Վանաձորում քաղաքապետի ընտրությունից առաջ հայտարարեց հանձնաժողովի անդամներից մեկը:
«Ով ինչ գրիչով ուզում է թող քվեարկի»,- հակադարձեց Հեղինե Բիշարյանն ու ամոթանք տվեց, ավագանու անդամներին խաբելու համար:
«Եթե կլինեն այլ գույնով քվեարկություններ, հանձնաժողովը կհամարի անվավեր»,- հավելեց հանձնաժողովի անդամներից մեկը:
Գրիչի գույնի խնդիրն այնքան մեծ աղմուկ բարձրացրեց, որ երեւի մոտ կես ժամ վիճաբանությունն ու առաջարկությունները չդադարեցին:
Կարդացեք նաև
Ավագանու անդամներից մեկը բաց քվեարկեց, թեեւ փակ քվեարկություն է հայտարարվել: Քվեարկությունը ընդհատվեց, կրկին սկսվեց վիճաբանություն: «Բաց քվեարկությունը նորմի խախտում է»,- արձանագրեց ավագանու մի անդամ:
«Հանձնաժողովը արձանագրություն կկազմի ու որոշում կկայացնի»,- միջամտեցին հանձնաժողովի անդամները:
Հիշեցնենք, որ Վանաձորի ավագանու ընտրություններում Հայաստանի Հանրապետական կուսակցությունը ստացել էր 13, ՀՅԴ-ն՝ 2 մանդատ, «Լուսավոր Հայաստանը»՝10, «Հայկական Վերածնունդը»՝ 5, «Բարգավաճ Հայաստանը»՝ 3: Ոչ իշխանական երեք ուժերը՝ «Լուսավոր Հայաստան», ԲՀԿ, «Հայկական վերածնունդ» կուսակցություններն էլ, ըստ ձեռք բերված համաձայնության, այս ընտրություններում աջակցում էին «Լուսավոր Հայաստան» կուսակցության ցուցակը գլխավորող թեկնածուին՝ Քրիստ Մարուքյանին:
Ըստ ամենայնի, բաց քվեարկություն կատարած անձը «Լուսավոր Հայաստան» կուսակցությունից էր, որովհետեւ, այս կուսակցության ղեկավար Էդմոն Մարուքյանը հայտարարեց, որ «Լուսավոր Հայաստանը» բաց է քվեարկում:
Վիճաբանությունն այս պահին թեժ է:
Արփինե ՍԻՄՈՆՅԱՆ
Եթե ընդիմադիրների տրամաբանությամբ շարժվենք՝ավագանու անդամին ընտրակաշառք են տվել և որպեսզի ապացուցի,որ նրա ասածով է,քվեաթերթիկը ցուցադրել է…: