Ինչպես հայտնել էինք, այսօր ՀԱԿ համագումարում ներկայացվեց կուսակցության բանաձեւը: ՀԱԿ անդամ Աշոտ Սարգսյանն առանձնացրեց կոնգրեսի նախընտրական պլատֆորմի առանցքային դրույթները: Բանաձեւում ասվում է, որ առաջիկա ԱԺ ընտրություններում հաղթելու դեպքում ՀԱԿ-ը կիրականացնի պետական քաղաքականության արմատական փոփոխություններ՝ ապահովելով ՀՀ եւ ԼՂՀ անվտանգությունը եւ հիմքեր ստեղծելով ՀՀ տնտեսության զարգացման համար:
Աշոտ Սարգսյանը նշեց, որ ՀԱԿ-ի քարոզարշավի առանցքը կկազմեն հետեւյալ դրույթները. «Ըստ բանաձեւի՝ ընտրություններում հաղթելու դեպքում խոստանում ենք՝ եռանդուն ջանքեր գործադրել Ղարաբաղյան հակամարտությունը կարգավորելու եւ խաղաղություն հաստատելու համար, բացահայտել Մարտի 1-ի գործը եւ պատասխանատվության ենթարկել բոլոր մեղավորներին, պարզեցնել հարկային եւ մաքսային համակարգը, գազի եւ էլեկտրաէներգիայի գները իջեցնել 25%-ով, վերջ տալ մենաշնորհներին, ծանր վիճակում հայտնված գյուղացիական տնտեսությունների համար հայտարարել վարկային համաներում, ձեւակերպել ԽՍՀՄ խնայբանկի ավանդները որպես պետական պարտատոմս եւ դրանք մարել երկու անգամ ավելի մեծ չափով»:
Կարդացեք նաև
Լուիզա ՍՈՒՔԻԱՍՅԱՆ
