Սիրիական բանակի հրամանատարությունը կոչ է արել Հալեպի մարզի բնակիչներին վերադառնալ իրենց տները, հաղորդում է «ՌԻԱ Նովոստին»:
«Զինված ուժերի գլխավոր հրամանատարությունը կոչ է անում քաղաքացիներին վերադառնալ իրենց տները այն բանից հետո, երբ Հալեպի մարզի արևելքի մի շարք բնակավայրերում ու շրջաններում վերականգնվել է կայունությունը և անվտանգությունը»,-ասվում է գործակալության տրամադրության տակ հայտնված փաստաթղթում:
Հայտարարության մեջ նաև նշվում է, որ «բանակային ստորաբաժանումներն այդ շրջանում համապատասխան մարմինների հետ պայմաններ կապահովեն իրենց բնակավայրեր մարդկանց վերադարձի համար»:
Պատրաստեց՝ Վիկտորյա ԱՆԴՐԵԱՍՅԱՆԸ
