«Քաղաքական կամքի դեպքում ամեն ինչ հնարավոր է բացահայտել: Փաստահավաք խումբն ունի համապատասխան նյութեր, որոնք լուրջ տեղեկություններ են տալիս այն մասին, թե ինչպես է կառուցվել հրամանների շղթան»,-«Մարտի 1»-ի զոհերին նվիրված խաղաղ երթի ժամանակ «Ազատություն» ռ/կ-ի ուղիղ եթերում ասաց ՀԱԿ փոխնախագահ Լեւոն Զուրաբյանը:
Նա համոզմունք հայտնեց, որ մինչեւ իշխանափոխություն չլինի, «Մարտի 1»-ի գործը չի բացահայտվի: Զուրաբյանն անդրադարձավ «ՕՐՕ» դաշինքի այսօրվա հայտարարությանը, թե «Մարտի 1»-ին պետք է իրավական եւ քաղաքական գնահատական տրվի, ասելով:
«Իշխանությունը, պարտվելով ժողովրդավարական քաղաքականության պայքարում, պարտվելով ընտրություններում, տեսնելով, որ ի վիճակի չէ քաղաքականապես լուծել հարցը, փորձեց այն լուծել բռնության միջոցով՝ հույս ունենալով, որ ժողովուրդը կնահանջի բռնության առաջին իսկ կիրառումից հետո: Բայց ժողովուրդը չնահանջեց, իշխանությունն էլ որոշեց գործի մեջ բերել բանակը եւ անցնել անսահման բռնության»,-նշեց Լեւոն Զուրաբյանը:
Կարդացեք նաև
Ըստ ՀԱԿ փոխնախագահի՝ այս տարիներին փոխանակ «Մարտի 1»-ի հանցագործության կազմակերպիչները ձերբակալվեցին, պատժվեցին խաղաղ ցուցարարները:
Լուիզա ՍՈՒՔԻԱՍՅԱՆ
ոնց որ բառ առ բառ նկարագրում ես Սեպտեմբեր 1996-ի դէպքերը…
https://www.youtube.com/watch?v=2kTroLui10g
(դիտել գոնէ վերջաւորութիւնը…)