Կոտայքի մարզի Եղվարդ քաղաքում այսօր «Կոնգրես-ՀԺԿ» դաշինքի նախընտրական քարոզարշավի ժամանակ ՀԱԿ փոխնախագահ Լեւոն Զուրաբյանը բնակիչներին ներկայացրեց դաշինքի մոտեցումն Արցախյան հակամարտության կարգավորման հարցում, այն է՝ Ադրբեջանը պարտավորվում է կնքել խաղաղության պայմանագիր, հարցը լուծվում է փոխզիջումների հիման վրա:
Զուրաբյանը հստակեցրեց, թե Ադրբեջանի կողմից ի՞նչ փոխզիջումների մասին է խոսքը. «Պետք է ստեղծվի ապառազմականացված բաժանարար գոտի: Ադրբեջանը պաշտոնապես համաձայնում է, որ այն տարածքի վրա, որը համարում է իր տարածքը, ներդրվեն խաղաղապահներ, եւ այդ տարածքում նա իրավունք չունի ռազմական տեխնիկա մտցնել: Ադրբեջանը պաշտոնապես ընդունելու է, որ հրաժարվում է որեւէ վեճ լուծել՝ բռնության ճանապարհով: Նաեւ ընդունելու է, որ Արցախին տրվի միջազգայնորեն ճանաչված միջազգային կարգավիճակ»:
Եղվարդցիներից մեկը տարակուսեց. «Ենթադրենք՝ Ադրբեջանը համաձայնում է եւ ստորագրում խաղաղության պայմանագիրը, բայց երկրորդ փուլում հանկարծ հետ է կանգնում իր խոստումից՝ թքած է ունենում բոլորի վրա…բա այդ երաշխավորներն ո՞ւր են»:
Կարդացեք նաև
Լեւոն Զուրաբյանն էլ հստակեցրեց, որ զինադադարի եւ խաղաղության պայմանագրի մեջ հսկայական տարբերություն կա. «Խաղաղության պայմանագիրը շատ ավելի մեծ երաշխիքներ է ստեղծում, այն երաշխավորված է միջազգային կառույցների կողմից»:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
