«Եթե ասում ենք, թե ոլորտի պատասխանատուն «Դաշնակցությունն» է, այդ տնօրենները պետք է ցուցակներ կազմեին դաշնակների օգտին»,-«Հոդված 3» մամուլի ակումբում այսօր անդրադառնալով ԿԳ նախարար Լեւոն Մկրտչյանի հասցեին հնչող մեղադրանքներին, ասաց ՀՅԴ պատգամավորի թեկնածու Բագրատ Եսայանը:
Հիշեցնենք, որ «Իրազեկ քաղաքացիների միավորում» հ/կ-ի կողմից ՀՀԿ-ի՝ վարչական ռեսուրսը չարաշահելը փաստող դպրոցների տնօրենների ձայնագրությունների հրապարակումից հետո ոմանք որպես խնդրի մեղավոր են տեսնում կրթական գերատեսչության ղեկավարին:
«Դպրոցների ճնշող մեծամասնությունը ենթարկվում է քաղաքապետարանին եւ մարզպետարաններին: Երբ խոսվում է ցուցակագրումների մասին, նկատի ունենք վարչական լծակների օգտագործում, ինչը կրթության նախարարի ձեռքում չէ: Մերը ոլորտի կրթական քաղաքականության պատասխանատվությունն է»,-նկատեց Բագրատ Եսայանը:
Մանրամասն՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
