Մայիսի 4-ին Երևանում լրագրողները հանդիպեցին Վահան Տերյանի ծոռան՝ Գևորգ Էմին-Տերյանին: Հանդիպման ժամանակ Գևորգ Էմին-Տերյանը սրահը լցրեց տերյանական շնչով՝ պատմելով մեծ պոետի մասին:
«Մեծ երջանկություն է կրել Տերյան ազգանունը: Այն պարտավորեցնող է, չէ՞ որ կյանքի բոլոր փուլերում չպետք է մոռանամ, թե ում արյունն է հոսում երակներովս»,- ասաց բանաստեղծի ծոռը:
«Չնայած կյանքը այդքան էլ բարեհաճ չի գտնվել պապիս արարած ստեղծագործությունները պահելու հարցում, այնուամենայնիվ, վստահ եմ, որ ձեռագրերը երբեք չեն այրվում՝ դրանք մի օր անպայման սերունդ են կրթելու, դաստիարակելու,-ասաց Գևորգ Էմին- Տերյանը: Թեև պապիկս մահացել է 35 տարեկան հասակում, բայց նա անմահ է յուրաքանչյուր հայի ոգում և հաճախ է հայտնվում նրանց մթնշաղի անուրջներում»,- այսպես՝ պոետի ծոռանը վայել շարունակեց իր խոսքը տերյանագետը:
Մեջբերելով Ստեփան Զորյանի խոսքերը` Գևորգ Էմին- Տերյանն ասաց. «Վահան Տերյանն այն բախտավոր հեղինակներից էր, որոնք մի առավոտ զարթնում են հայտնի դարձած, և դա ոչ թե պատահականության բերումով, այլ շնորհիվ իրենց մեծ տաղանդի։ Նրա առաջին իսկ գիրքը հռչակեց նրան որպես բանաստեղծ և պատվավոր տեղ ապահովեց հայկական պառնասում։ Նա հրապարակ իջավ միանգամից որպես վարպետ»։
Կարդացեք նաև
Նունե Ասլանյան
